ਹੁਸ਼ਿਆਰਪੁਰ, 2 ਸਤੰਬਰ 2015- ਪੰਜਾਬ ਹੈਲਥ ਡਿਪਾਰਟਮੈਂਟ ਸਬਾਰਡੀਨੇਟ ਆਫਿਸੇਸ ਕਲੈਰੀਕਲ ਸਸੰਥਾ ਵੱਲੋਂ ਅੱਜ ਆਪਣੀਆਂ ਮੰਗਾ ਨੂੰ ਮਨਵਾਉਣ ਸਬੰਧੀ ਧਰਨਾ ਲਗਾ ਕੇ ਅਤੇ ਰੋਸ ਰੈਲੀ ਕੱਢ ਕੇ ਅਣਮਿੱਥੇ ਮਸੇਂ ਦੀ ਹੜਤਾਲ ਸ਼ੁਰੂ ਕੀਤੀ ਗਈ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਪ੍ਰਧਾਨ ਜਸਵਿੰਦਰ ਸਿੰਘ ਨੇ ਦੱਸਿਆ ਕਿ ਸਿਹਤ ਮੰਤਰੀ ਪੰਜਾਬ ਅਤੇ ਡਾਇਰੈਕਟਰ ਪਰਿਵਾਰ ਤੇ ਭਲਾਈ ਵਿਭਾਗ ਪੰਜਾਬ ਵੱਲੋਂ ਕਲੈਰੀਕਲ ਸਟਾਫ ਦੀਆਂ ਮੰਗਾਂ ਨੂੰ ਮੰਗੇ ਜਾਣ ਉਪਰੰਤ ਨਿਸ਼ਚਿਤ ਸਮੇਂ ਵਿੱਚ ਲਾਗੂ ਕਰਨ ਦੇ ਆਦੇਸ਼ ਦੇ ਦਿੱਤੇ ਗਏ ਸਨ। ਪਰ ਅਜੇ ਤੱਕ ਉਨ੍ਹਾਂ ਮੰਗਾਂ ਨੂੰ ਮੰਨਿਆ ਨਹੀਂ ਜਾ ਸਕਿਆ। ਇੰਨ੍ਹਾਂ ਮੰਗਾਂ ਨੂੰ ਲਾਗੂ ਕਰਵਾਉਣ ਸਬੰਧੀ ਵਿਚਾਰ-ਵਟਾਂਦਰਾ ਕਰਨ ਲਈ ਜੱਥੇਬੰਦੀ ਨੂੰ ਜਲਦ ਹੀ ਮੁਲਾਕਾਤ ਦਾ ਸਮਾਂ ਦੇਣ ਦੀ ਬੇਨਤੀ ਵੀ ਕੀਤੀ ਗਈ। ਕਲੈਰੀਕਲ ਸਟਾਫ ਦੀਆਂ ਮੁੱਖ ਮੰਗਾਂ ਵਿੱਚ ਅਕਾਊਟੈਂਟ ਦੀਆਂ 60 ਪੋਸਟਾਂ ਨੂੰ ਸਿੱਧੀ ਭਰਤੀ ਰਾਂਹੀ ਭਰਨ ਦੀ ਬਜਾਏ ਸਿਹਤ ਵਿਭਾਗ ਦੇ ਨਿਯਮਿਤ ਕਲੈਰੀਕਲ ਸਟਾਫ ਵਿੱਚੋਂ ਪਦਉਨਤੀ ਰਾਂਹੀ ਭਰੇ ਜਾਣ ਸਬੰਧੀ, ਦਫਤਰ ਸਿਵਲ ਸਰਜਨ, ਮੈਡੀਕਲ ਕਾਲਜ, ਡੈਂਟਲ ਕਾਲਜ, ਅਤੇ ਈ.ਐਸ.ਆਈ. ਸ਼ਾਖਾ ਵਿੱਚੋਂ 50 ਫੀਸਦੀ ਜਾਂ ਸਰਕਾਰ ਵੱਲੋਂ ਵਿੱਤ ਵਿਭਾਗ ਨੂੰ ਸੁਪਰਡੈਂਟ ਗ੍ਰੇਡ-2 ਦੀਆਂ ਪੋਸਟਾਂ, ਸੁਪਰਡੈਂਟ ਗ੍ਰੇਡ-1 ਵਿੱਚ ਅਪਗ੍ਰੇਡ ਕਰਵਾਉਣ ਸਬੰਧੀ ਪ੍ਰਪੋਜਲ ਵਿੱਤ ਵਿਭਾਗ ਨੂੰ ਦੁਬਾਰਾ ਭੇਜ ਕੇ ਮੰਜੂਰ ਕਰਵਾਉਣ ਸਬੰਧੀ, ਮੈਡੀਕਲ ਕਾਲਜ ਪਟਿਆਲਾ ਵਿੱਚ ਮੌਜੂਦਾ ਪ੍ਰਬੰਧਕੀ ਅਫਸਰ ਦੀ ਖਾਲੀ ਅਸਾਮੀ ਪਦਉਨੱਤੀ ਰਾਂਹੀ ਭਰੇ ਜਾਣ ਸਬੰਧੀ ਅਤੇ ਮੈਡੀਕਲ ਕਾਲਜ ਅੰਮ੍ਰਿਤਸਰ ਵਿਖੇ ਪ੍ਰਬੰਧੀ ਅਫਸਰ ਦੀ ਨਵੀਂ ਪੋਸਟ ਦੀ ਰਚਨਾ ਕਰਵਾਉਣ ਲਈ ਕੇਸ ਸਰਕਾਰ ਨੂੰ ਭੇਜਣ ਸਬੰਧੀ, ਸਰਕਾਰ ਵੱਲੋਂ ਸਿਹਤ ਵਿਭਾਗ ਵਿੱਚ ਮੌਜੂਦਾ 25 ਜੂਨੀਅਰ ਅੰਕੜਾ ਸਹਾਇਕ ਦੀਆਂ ਪੋਸਟਾਂ ਅੰਕੜਾ ਸਹਾਇਕ ਵਿੱਚ ਮਰਜ ਕਰਨ ਸਬੰਧੀ ਕੇਸ ਇਤਰਾਜ ਦੂਰ ਉਪਰੰਤ ਮੁੜ ਤੋਂ ਵਿੱਤ ਵਿਭਾਗ ਨੂੰ ਭੇਜ ਕੇ ਮੰਜੂਰੀ ਹਾਸਲ ਕਰਵਾਏ ਜਾਣ ਸਬੰਧੀ ਮੰਗਾਂ ਨੂੰ ਪ੍ਰਮੁੱਖਤਾ ਵਿੱਚ ਰੱਖਿਆ ਗਿਆ ਹੈ। ਸਟੈਨੋ ਟਾਈਪਿਸਟ ਦੀ ਅਸਾਮੀ ਸੀਨੀਅਰ ਸਕੇਲ ਸਟੈਨੋਗ੍ਰਾਫਰ, ਜੂਨੀਅਰ ਸਕੇਲ ਸਟੈਨੋਗ੍ਰਾਫਰ ਅਪਗ੍ਰੇਡ ਕਰਵਾਈਆਂ ਜਾਣ। ਇਸਦੇ ਨਾਲ ਹੀ ਨਵੇਂ ਬਣੇ ਜਿਲਿਆਂ ਵਿੱਚ ਤੈਨਾਤ ਕਲੈਰੀਕਲ ਸਟਾਫ ਨੂੰ ਆਧਾਰ ਮੰਨਦੇ ਹੋਏ ਸੁਪਰਡੈਂਟ, ਸੀਨੀਅਰ ਸਹਾਇਕ, ਸਟੈਨੋ, ਕਲਰਕ, ਅੰਕੜਾ, ਐਸ.ਏ.ਜੇ.ਐਸ.ਏ. ਅਤੇ ਕੰਪਿਊਟਰ ਦੀਆਂ ਅਸਾਮੀਆਂ ਦੀ ਰਚਨਾ ਕਰਵਾਈ ਜਾਵੇ।ਇਸ ਮੌਕੇ ਪ੍ਰਧਾਨ ਐਂਟੀ ਲਾਰਵਾ ਗੁਰਵਿੰਦਰ ਸਿੰਘ ਨੇ ਦੱਸਿਆ ਕਿ ਅੱਜ ਕੁਲ ਹਿੰਦ ਜੱਥੇਬੰਦੀਆਂ ਨੇ ਸਿਹਤ ਵਿਭਾਗ ਦੇ ਕਾਮਿਆਂ ਵੱਲੋਂ ਕੀਤੀ ਹੜਤਾਲ ਦਾ ਭਰਵਾਂ ਸਮਰਥਨ ਕੀਤਾ ਤੇ ਕੇਂਦਰ ਅਤੇ ਪੰਜਾਬ ਸਰਕਾਰ ਵੱਲੋਂ ਮੁਲਾਜਮ ਮਾਰੂ ਨੀਤੀਆਂ ਦੀ ਨਿਖੇਧੀ ਕੀਤੀ। ਉਨ੍ਹਾਂ ਦੱਸਿਆ ਕਿ ਅੱਜ ਦੇਸ਼ ਦਾ ਮੁਲਾਜ਼ਮ, ਮਜ਼ਦੂਰ, ਕਿਸਾਨ ਕੇਂਦਰ ਸਰਕਾਰ ਦੀਆਂ ਨੀਤੀਆਂ ਤੋਂ ਪਰੇਸ਼ਾਨ ਹੈ। ਮਹਿੰਗਾਈ ਕਾਰਣ ਦੇਸ਼ ਦਾ ਮੱਧ ਅਤੇ ਨਿਮਨ ਵਰਗ ਤੰਗ ਹੈ। ਇਨ੍ਹਾਂ ਦਰਪੇਸ਼ ਮੁਸ਼ਕਲਾਂ ਦੇ ਹੱਲ ਲਈ ਜਦੋਂ ਵੀ ਕਿਸੇ ਜੱਥੇਬੰਦੀ ਵੱਲੋਂ ਹੜਤਾਲ ਜਾਂ ਕੋਈ ਹੋਰ ਉਪਰਾਲਾ ਕੀਤਾ ਜਾਂਦਾ ਹੈ ਤਾਂ ਉਸ ਨੂੰ ਜਰੂਰ ਸਮਰਥਨ ਦੇਣਾ ਚਾਹੀਦਾ ਹੈ। ਇਸ ਮੌਕੇ ਸੁਪਰਡੈਂਟ ਨੱਥੂ ਰਾਮ, ਸ਼ਿੰਗਾਰਾ ਰਾਮ, ਸੰਜੀਵ ਕੁਮਾਰ, ਰਵਿੰਦਰਜੀਤ, ਅਨਿਲ ਕੁਮਾਰ, ਮਨੀ ਪਰਮਾਰ, ਵੀਨਾ, ਜਯੋਤੀ, ਵਿਮਲਾ, ਧਰਮਿੰਦਰ, ਰਿੰਕੂ, ਹਰਜੋਤ, ਸਤਪਾਲ, ਤਰਸੇਮ ਲਾਲ ਤੋਂ ਇਲਾਵਾ ਹੋਰ ਸਿਹਤ ਕਾਮੇ ਹਾਜਰ ਸਨ।
