ਗੜਸ਼ੰਕਰ (ਦ ਸਟੈਲਰ ਨਿਊਜ਼), ਰਿਪੋਰਟ- ਹਰਦੀਪ ਚੌਹਾਨ। ਹੁਸ਼ਿਆਰਪੁਰ ਤੋਂ ਗੜਸ਼ੰਕਰ ਰੋੜ ਤੇ ਪੈਦੇ ਅੱਡਾ ਸਤਨੌਰ ਵਿਖੇ ਮੋਬਾਇਲਾ ਦੀ ਦੁਕਾਨ ਤੇ ਚੋਰੀ ਹੋਣ ਸੰਬੰਧੀ ਜਾਣਕਾਰੀ ਮਿਲੀ ਹੈ। ਜਾਣਕਾਰੀ ਅਨੁਸਾਰ ਪਿਛਲੇ ਕਾਫੀ ਸਾਲਾ ਤੋਂ ਅੱਡਾ ਸਤਨੋਰ ਵਿੱਚ ਚੱਲ ਰਹੀ ਦੁਕਾਨ ਅਰੋੜਾ ਟੈਲੀਕੋਮ ਦੇ ਮਾਲਿਕ ਸਰਬਜੀਤ ਸਿੰਘ ਪੁੱਤਰ ਮਨਮੋਹਣ ਸਿੰਘ ਵਾਸੀ ਅੱਡਾ ਸਤਨੋਰ ਨੇ ਦੱਸਿਆ ਕਿ ਹਰ ਰੋਜ ਦੀ ਤਰ ਬੀਤੀ ਰਾਤ ਦੁਕਾਨ ਬੰਦ ਕਰਕੇ ਦੁਕਾਨ ਦੇ ਪਿਛਲੇ ਪਾਸੇ ਆਪਣੇ ਘਰ ਚਲਾ ਗਿਆ।
ਜਦੋਂ ਸਵੇਰੇ ਦੁਕਾਨ ਖੋਲਣ ਲੱਗਾ ਤਾਂ ਦੇਖਿਆ ਦੁਕਾਨ ਦੇ ਅੰਦਰ ਵਾਲੇ ਪਾਸੇ ਦਾ ਦਰਵਾਜਾ ਖੁੱਲਾ ਸੀ ਅਤੇ ਦੁਕਾਨ ਵਿੱਚ ਪਏ ਸੈਮਸੰਗ ਕੰਪਨੀ ਦੇ ਫੋਨ ਅਤੇ ਡੇਢ ਲੱਖ ਦੇ ਕਰੀਬ ਦੀ ਨਕਦੀ ਗੱਲੇ ਵਿਚੋ ਚੋਰੀ ਸੀ। ਦੁਕਾਨ ਮਾਲਿਕ ਸਰਬਜੀਤ ਸਿੰਘ ਦੇ ਦੱਸਿਆ ਕਿ ਉਸਦਾ ਕਰੀਬ ਢਾਈ ਲੱਖ ਦੇ ਕਰੀਬ ਦਾ ਨੁਕਸਾਨ ਹੋਇਆ ਹੈ।
ਚੋਰ ਨੇ ਇਸ ਘਟਨਾ ਨੂੰ ਘਰ ਦੀ ਪੋੜੀ ਰਸਤੇ ਉਤਰ ਕਿ ਦੁਕਾਨ ਦੇ ਪਿਛਲੇ ਰਸਤੇ ਦਾਖਲ ਹੋ ਕਿ ਇਸ ਅੰਜਾਮ ਦਿੱਤਾ ਹੈ। ਇਸ ਸੰਬੰਧੀ ਥਾਣਾ ਗੜਸ਼ੰਕਰ ਦੀ ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ ਦਿਨੋ-ਦਿਨ ਚੋਰੀ ਦੀਆ ਵਾਰਦਾਤਾ ਵੱਧਣ ਕਾਰਣ ਦੁਕਾਨਦਾਰਾ ਵਿੱਚ ਡਰ ਦਾ ਮਾਹੋਲ ਬਣਿਆ ਹੋਇਆ ਹੈ।