ਹੁਸ਼ਿਆਰਪੁਰ (ਦ ਸਟੈਲਰ ਨਿਊਜ਼)। ਨਗਰ ਨਿਗਮ ਦੇ ਕਮਿਸ਼ਨਰ ਬਲਬੀਰ ਰਾਜ ਸਿੰਘ ਨੇ ਸ਼ਹਿਰ ਵਾਸੀਆ ਨੂੰ ਅਪੀਲ ਕਰਦੇ ਹੋਏ ਦੱਸਿਆ ਕਿ ਪਬਲਿਕ ਵਲੋਂ ਵਰਤੇ ਗਏ ਦਸਤਾਨੇ ਅਤੇ ਮਾਸਕ ਡਸਟਬੀਨ ਵਿਚ ਹੀ ਪਾਏ ਜਾਣ। ਇਸ ਲਈ ਪਬਲਿਕ ਦੀ ਸਹੂਲਤ ਲਈ ਸ਼ਹਿਰ ਦੇ ਵੱਖ ਵੱਖ ਸਥਾਨਾ ਤੇ ਜਿਵੇਂ ਕਿ ਘੰਟਾ ਘਰ, ਬੱਸ ਸਟੈਂਡ, ਸ਼ੈਸ਼ਨ ਚੌਂਕ, ਸੁਰਾਜਾ ਚੌਂਕ, ਖਾਨਪੁਰੀ ਗੇਟ ਆਦਿ ਵਿਚ ਡਸਟਬੀਨ ਲਗਾਏ ਗਏ ਹਨ ਅਤੇ ਨਿਗਮ ਕਰਮਚਾਰੀਆਂ ਸ਼ਹਿਰ ਦੇ ਵੱਖ ਵੱਖ ਸਥਾਨਾ ਤੇ ਜਾ ਕੇ ਸਮਾਂ 9 ਤੋ ਦੁਪਹਿਰ 3 ਵਜੇ ਤੱਕ ਆਪਣੀ ਜਿੰਮੇਵਾਰੀ ਨਿਭਾ ਰਹੇ ਹਨ।
ਇਸ ਲਈ ਆਪ ਆਪਣੀ ਜਿੰਮੇਵਾਰੀ ਨੂੰ ਸਮਝਦੇ ਹੋਏ ਜੇਕਰ ਬਜਾਰ ਵਿਚ ਖਰੀਦਦਾਰੀ ਕਰਨ ਵਾਸਤੇ ਆਏ ਹੋ ਤਾਂ ਆਪਣੇ ਦਸਤਾਨੇ ਜਾਂ ਮਾਸਕ ਬਦਲਣ ਉਪਰੰਤ ਨਗਰ ਨਿਗਮ ਵਲੋਂ ਉਕਤ ਦਿੱਤੇ ਸਥਾਨਾਂ ਤੇ ਡਸਟਬੀਨ ਵਿਚ ਹੀ ਪਾਏ ਜਾਣ। ਉੇਸੇ ਸਥਾਨ ਤੇ ਨਿਗਮ ਕਰਮਚਾਰੀ ਵਲੋਂ ਆਪ ਨੂੰ ਸੈਨੇਟਾਈਜ ਕੀਤਾ ਜਾਵੇਗਾ ਤਾਂ ਜ਼ੋ ਆਪ ਆਪਣੇ ਨਵੇਂ ਮਾਸਕ ਅਤੇ ਦਸਤਾਨੇ ਲਗਾ ਸਕੋ।