ਹੁਸ਼ਿਆਰਪੁਰ (ਦ ਸਟੈਲਰ ਨਿਊਜ਼)। ਨਗਰ ਨਿਗਮ ਕਮਿਸ਼ਨਰ ਬਲਬੀਰ ਰਾਜ ਸਿੰਘ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਭਾਰਤ ਸਰਕਾਰ ਵੱਲੋਂ ਪੀਐਮ ਸਟਰੀਟ ਵੈਂਡਰਜ਼ ਆਤਮਾ ਨਿਰਭਰ ਨਿਧੀ ਸਕੀਮ ਤਹਤ ਹਰੇਕ ਸਟਰੀਟ ਵੈਂਡਰਜ਼ ਨੂੰ 1000 ਦਾ ਲੋਣ ਦੇਣ ਦੀ ਵਿਵਸਥਾ ਕੀਤੀ ਗਈ ਹੈ। ਨਿਗਮ ਕਮਿਸ਼ਨਰ ਨੇ ਦੱਸਿਆ ਕਿ ਹੁਣ ਤੱਕ ਨਿਗਮ ਵੱਲੋਂ 1089 ਸਟਰੀਟ ਵੈਂਡਰਜ਼ ਦਾ ਸਰਵੇ ਕੀਤਾ ਜਾ ਚੁੱਕਾ ਹੈ। ਇਸਲਈ ਉਹਨਾਂ ਨੂੰ ਪਹਿਚਾਣ ਪੱਤਰ ਜਾਰੀ ਕੀਤੇ ਜਾਣੇ ਹਨ।
ਇਸ ਲਈ ਹਰੇਕ ਸਟਰੀਟ ਵੈਂਡਰ ਨੂੰ ਅਪੀਲ ਕੀਤੀ ਜਾਂਦੀ ਹੈ ਕਿ ਉਹ ਆਪਣੇ ਪਹਿਚਾਣ ਪੱਤਰ ਬਣਾਉਣ ਵਾਸਤੇ ਜ਼ਰੂਰੀ ਕਾਗਜ਼ਾਤ ਜੋਕਿ ਅਧਾਰ ਕਾਰਡ ਦੀ ਕਾਪੀ, ਪਰਿਵਾਰ ਦੇ ਸਾਰੇ ਮੈਂਬਰਾਂ ਦਾ ਅਧਾਰ ਕਾਰਡ, ਵੋਟਰ ਕਾਰਡ, ਪੂਰੇ ਪਰਿਵਾਰ ਦੀ ਫੋਟੋ, ਰੇਹੜੀ ਕੋਲ ਖੜੇ ਹੋ ਕੇ ਆਪਣੀ ਫੋਟੋ, ਕਾਗਜ਼ ਤੇ ਕੀਤੇ ਹੋਏ ਹਸਤਾਖਰ ਅਤੇ ਬੈਂਕ ਅਕਾਊੰਟ ਡਿਟੇਲ ਜਿਸ ਵਿੱਚ ਬੈਂਕ ਦੀ ਨਾਮ, ਅਕਾਊੰਟ ਨੰਬਰ ਅਤੇ ਆਈਐਫਐਸਸੀ ਕੋਡ ਹੋਣਾ ਲਾਜ਼ਮੀ ਹੈ। ਉਕਤ ਸਾਰੇ ਕਾਗਜ਼ ਲੈ ਕੇ ਸੁਵਿਧਾ ਸੈਂਟਰ ਕਾਊੰਟਰ ਨੰਬਰ 5 ਤੇ ਜਾ ਕੇ ਆਪਣੇ ਪਹਿਚਾਣ ਪੱਤਰ ਤੁਰੰਤ ਬਣਾਉ ਤਾਂ ਜੋ ਸਰਕਾਰ ਵੱਲੋਂ ਦਿੱਤੀ ਗਈ ਸੁਵਿਧਾ ਦਾ ਲਾਭ ਲਿਆ ਜਾ ਸਕੇ।