ਹੁਸ਼ਿਆਰਪੁਰ (ਦ ਸਟੈਲਰ ਨਿਊਜ਼)। ਸਿੰਪਲ ਅਰੋੜਾ ਵੈਲਫੇਅਰ ਦੀ ਪ੍ਰਧਾਨ ਦੀਪ ਭੱਟੀ ਨੇ ਟਾਂਡਾ ਦੇ ਨੇੜੇ ਪੈਂਦੇ ਪਿੰਡ ਜਲਾਲਪੁਰ ਵਿਚ ਇਕ ਮਾਸੂਮ ਬੱਚੀ ਦੀ ਹੋਈ ਦਰਦਨਾਕ ਹੱਤਿਆ ਦੀ ਨਿੰਦਾ ਕਰਦਿਆਂ ਕਿਹਾ ਕਿ ਜਿੱਥੇ ਪੂਰਾ ਸਮਾਜ ਕੰਜਕ ਪੂਜਨ ਕਰ ਰਿਹਾ ਸੀ ਉਥੇ ਦਾਦਾ ਪੋਤੇ ਨੇ ਇਕ 6 ਸਾਲ ਦੀ ਮਾਸੂਮ ਕੰਜਕ ਨਾਲ ਬਲਾਤਕਾਰ ਕੀਤਾ।
ਉਹਨਾਂ ਕਿਹਾ ਕਿ ਹਵੈਨਿਅਤ ਦੀਆਂ ਸਾਰਿਆਂ ਹੱਦਾਂ ਪਾਰ ਕਰਕੇ ਉਸ ਮਾਸੂਮ ਬੱਚੀ ਨੂੰ ਅੱਗ ਲਾ ਕੇ ਮਾਰ ਦਿੱਤਾ ਗਿਆ। ਉਹਨਾਂ ਪੰਜਾਬ ਸਰਕਾਰ ਨੂੰ ਬੇਨਤੀ ਕੀਤੀ ਕਿ ਇਹ ਅਪਰਾਧ ਸਮਾਜ ਦੇ ਨਾਮ ਤੇ ਕਲੰਕ ਹੈ। ਦਾਦੇ ਪੋਤੇ ਨੂੰ ਜਲਦ ਤੋਂ ਜਲਦ ਫਾਂਸੀ ਦੀ ਸਜ਼ਾ ਦਿੱਤੀ ਜਾਵੇ ਤਾਂ ਕਿ ਲੋਕਾਂ ਦੇ ਅੰਦਰ ਕਾਨੂੰਨ ਦਾ ਡਰ ਬਣਿਆ ਰਹੇ ਤੇ ਅੱਗੇ ਤੋਂ ਕੋਈ ਵੀ ਵਿਅਕਤੀ ਇਸ ਤਰਾਂ ਦਾ ਘਿਣੋਣਾ ਕੰਮ ਨਾ ਕਰਨ ।