ਅੱਤੋਵਾਲ (ਦ ਸਟੈਲਰ ਨਿਊਜ਼)ਰਿਪੋਰਟ-ਮਹਿੰਦਰ ਸਿੰਘ ਝੱਮਟ। ਪੰਜਾਬੀ ਸਾਹਿਤ ਸਭਾ ਬਾਬਾ ਬਕਾਲਾ ਸਾਹਿਬ ਦੇ ਸੀਨੀਅਰ ਮੀਤ ਪ੍ਰਧਾਨ, ਗੀਤਕਾਰ ਅਤੇ ਗਾਇਕ ਮੱਖਣ ਭੈਣੀਵਾਲਾ ਦੇ ਨਵੇਂ ਗੀਤ “ਬੰਦਾ ਨਹੀਂ ਹੁੰਦਾ ਮਾੜਾ” ਦੂਰਦਰਸ਼ਨ ਤੇ ਮਿਤੀ 18 ਸਤੰਬਰ, ਦਿਨ ਸ਼ਨੀਵਾਰ ਨੂੰ ਰਾਤ 8 ਵਜੇ ਡੀ.ਡੀ. ਪੰਜਾਬੀ ਦੇ ਪ੍ਰੋਗਰਾਮ “ਛਣਕਾਰ” ਵਿੱਚ ਪ੍ਰਸਾਰਿਤ ਕੀਤਾ ਜਾਵੇਗਾ । ਇਸ ਸਬੰਧੀ ਦੂਰਦਰਸ਼ਨ ਤੇ ਹੋਈ ਗੀਤ ਦੀ ਸ਼ੂਟਿੰਗ (ਰਿਕਾਰਡਿੰਗ) ਮੌਕੇ ਪੰਜਾਬੀ ਸਾਹਿਤ ਸਭਾ ਬਾਬਾ ਬਕਾਲਾ ਸਾਹਿਬ ਦੇ ਮੁੱਖ ਸੰਚਾਲਕ ਸ਼ੇਲਿੰਦਰਜੀਤ ਸਿੰਘ ਰਾਜਨ, ਸਕੱਤਰ ਮਹਿਲਾ ਵਿੰਗ ਰਾਜਵਿੰਦਰ ਕੌਰ ਰਾਜ, ਖਜ਼ਾਨਚੀ ਮਾ. ਮਨਜੀਤ ਸਿੰਘ ਵੱਸੀ, ਸਕੱਤਰ ਸਿੰਘ ਪੁਰੇਵਾਲ, ਅਮਰੀਕ ਸਿੰਘ ਮੱਟੂ ਵੀ ਉਚੇਚੇ ਤੌਰ ਤੇ ਪੁਜੇ, ਜੋ ਕਿ ਇਸ ਗੀਤ ਦਾ ਆਨੰਦ ਮਾਣਦੇ ਨਜ਼ਰ ਆਉਣਗੇ ।
ਜਿਕਰਯੋਗ ਹੈ ਕਿ ਮੱਖਣ ਭੈਣੀਵਾਲਾ ਦਾ ਇਹ ਗੀਤ ਆਰਵ ਪ੍ਰੋਡਕਸ਼ਨ ਵੱਲੋਂ ਨਿਰਮਾਤਾ ਲਲਿਤ ਮਹਿਤਾ ਅਤੇ ਲਾਡੀ ਨਿੱਜਰ ਦੀ ਪੇਸ਼ਕਸ਼ ਹੈ ਅਤੇ ਇਸਦੇ ਪੋਸਟਰ ਨੂੰ ਬੀਤੇ ਦਿਨੀਂ ਪੰਜਾਬੀ ਸਾਹਿਤ ਸਭਾ ਬਕਾਲਾ ਸਾਹਿਬ ਵੱਲੋਂ ਇਕ ਵਿਸ਼ੇਸ਼ ਸਮਗਾਮ ਦੌਰਾਨ ਲੋਕ ਅਰਪਿਤ ਕੀਤਾ ਜਾ ਚੁੱਕਾ ਹੈ ।
