ਕਪੂਰਥਲਾ (ਦ ਸਟੈਲਰ ਨਿਊਜ਼), ਰਿਪੋਰਟ- ਕੁਮਾਰ ਗੌਰਵ। ਸ਼ਹਿਰ ਦੇ ਅਮ੍ਰਿਤ ਬਾਜ਼ਾਰ ਅਤੇ ਸਰਾਫਾ ਬਾਜ਼ਾਰ ਜਸਪਾਲਾ ਵਾਲੀ ਗਲੀ ਵਿੱਚ ਸਥਿਤ ਖਸਤਾ ਹਾਲਤ ਇਮਾਰਤਾਂ ਕਿਸੇ ਵੱਡੇ ਹਾਦਸੇ ਨੂੰ ਦਾਵਤ ਦੇ ਰਹੀਆਂ ਹਨ।ਇਹਨਾਂ ਦੀ ਹਾਲਤ ਇੰਨੀ ਜ਼ਿਆਦਾ ਖ਼ਰਾਬ ਹੈ ਕਿ ਕਿਸੇ ਵੀ ਸ਼ਮੇ ਡਿੱਗ ਸਕਦੀਆਂ ਹਨ।ਦੀਵਾਰਾਂ ਦੀਆਂ ਇੱਟਾਂ ਨਿਕਲ ਰਹੀਆਂ ਹਨ,ਗਾਰਡਰ ਅਤੇ ਸਰਿਏ ਕਮਜੋਰ ਹੋਕੇ ਝੁਕ ਗਏ ਹਨ।ਫਰਸ਼ ਤੇ ਮਿੱਟੀ ਅਤੇ ਘਾਸਫੂਸ ਵਿਖਾਈ ਦੇ ਰਹੀ ਹੈ।ਹਾਲਾਂਕਿ ਇਸ ਸੰਬੰਧ ਵਿੱਚ ਕਈ ਵਾਰ ਧਰਨੇ ਪ੍ਰਦਰਸ਼ਨ ਹੋ ਚੁੱਕੇ ਹਨ,ਕਾਰਜਸਾਧਕ ਅਫਸਰ ਨੂੰ ਵੀ ਕਈ ਵਾਰ ਲਿਖਤੀ ਰੂਪ ਵਿੱਚ ਜਾਣੂ ਕਰਵਾਇਆ ਗਿਆ ਹੈ,ਪਰ ਹੁਣ ਤੱਕ ਕੋਈ ਕਾਰਵਾਈ ਨਹੀਂ ਹੋ ਸਕੀ।ਇਸਤੋਂ ਰਸਤੇ ਤੋਂ ਲੱਗਣ ਵਾਲੇ ਰਾਹਗੀਰਾਂ ਦੀ ਜਿੰਦਗੀ ਖਤਰੇ ਵਿੱਚ ਪੈ ਗਈ ਹੈ।ਇਸ ਸੰਬੰਧ ਵਿੱਚ ਯੂਥ ਅਕਾਲੀ ਦਲ ਦੇ ਕੌਮੀ ਮੀਤ ਪ੍ਰਧਾਨ ਅਵੀ ਰਾਜਪੂਤ ਜੋ ਕਾਫ਼ੀ ਸ਼ਮੇ ਤੋਂ ਲੋਕਾ ਦੀ ਜਾਨ ਲਈ ਖ਼ਤਰਾ ਬਣਿਆ ਇਨ੍ਹਾਂ ਇਮਾਰਤਾਂ ਨੂੰ ਗਿਰਾਉਣ ਲਈ ਸੰਘਰਸ਼ ਕਰ ਰਹੇ ਹਨ ਨੇ ਮੰਗਲਵਾਰ ਨੂੰ ਇਨ੍ਹਾਂ ਖਸਤਾਹਾਲ ਇਮਾਰਤਾਂ ਨੂੰ ਗਿਰਾਉਣ ਦੀ ਮੰਗ ਨੂੰ ਲੈ ਕੇ ਨਗਰ ਨਿਗਮ ਦੇ ਕਮਿਸ਼ਨਰ ਆਦਿਤਿਅ ਉੱਪਲ ਨਾਲ ਮੁਲਾਕਾਤ ਕਰਕੇ ਇੱਕ ਮੰਗ ਪੱਤਰ ਦਿੱਤਾ ਅਤੇ ਇਨ੍ਹਾਂ ਖਸਤਾਹਾਲ ਇਮਾਰਤਾਂ ਨੂੰ ਤੁਰੰਤ ਗਿਰਾਉਣ ਦੀ ਮੰਗ ਕੀਤੀ।ਇਸ ਦੌਰਾਨ ਅਵੀ ਰਾਜਪੂਤ ਨੇ ਨਗਰ ਨਿਗਮ ਦੇ ਕਮਿਸ਼ਨਰ ਆਦਿਤਿਅ ਉੱਪਲ ਨੂੰ ਇਨ੍ਹਾਂ ਖਸਤਾਹਾਲ ਇਮਾਰਤਾਂ ਦੇ ਬਾਰੇ ਵਿੱਚ ਜਣੂ ਕਰਵਾਇਆ ਅਤੇ ਉਨ੍ਹਾਂਨੂੰ ਦੱਸਿਆ ਕਿ ਇਨ੍ਹਾਂ ਇਮਾਰਤਾਂ ਦੀ ਵਜ੍ਹਾ ਨਾਲ ਕਿਸੇ ਸ਼ਮੇ ਵੀ ਕੋਈ ਵੱਡਾ ਹਾਦਸ਼ਾ ਹੋ ਸਕਦਾ ਹੈ,ਜਿਸ ਤੋਂ ਬਾਅਦ ਨਗਰ ਨਿਗਮ ਦੇ ਕਮਿਸ਼ਨਰ ਆਦਿਤਿਅ ਉੱਪਲ ਨੇ ਤੁਰੰਤ ਸਬੰਧਤ ਅਧਿਕਾਰੀਆਂ ਨੂੰ ਕਰਵਾਈ ਕਰਣ ਦੇ ਆਦੇਸ਼ ਦਿੱਤੇ।
ਇਸ ਉਪਰਾਂਤ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਅਵੀ ਰਾਜਪੂਤ ਨੇ ਕਿਹਾ ਕਿ ਸ਼ਹਿਰ ਵਿੱਚ ਕਈ ਅਜਿਹੀਆਂ ਇਮਾਰਤਾਂ ਹਨ ਜੋ ਖ਼ਸਤਾਹਾਲ ਹਾਲਤ ਵਿੱਚ ਹਨ ਅਤੇ ਕਈ ਵਾਰ ਨਿਗਮ ਨੂੰ ਐਪਲੀਕੇਸ਼ਨ ਦੇ ਚੁੱਕੇ ਹਨ ਪਰ ਨਿਗਮ ਅਧਿਕਾਰੀਆਂ ਦੇ ਕੰਨਾਂ ਤੇ ਜੂੰ ਤੱਕ ਨਹੀਂ ਰੇਂਗਦੀ।ਜੇਕਰ ਇੱਕ ਇਮਾਰਤ ਡਿੱਗਦੀ ਹੈ ਤਾਂ ਇਸ ਨਾਲ ਇੱਕ ਦੋ ਇਮਾਰਤਾਂ ਨੂੰ ਨੁਕਸਾਨ ਜਰੂਰ ਪਹੁੰਚੇਗਾ ਅਤੇ ਜਾਣੀ ਨੁਕਸਾਨ ਹੋਣ ਦਾ ਵੀ ਡਰ ਹੈ।ਖ਼ਸਤਾਹਾਲ ਹੋਇਆ ਇਮਾਰਤਾਂ ਦੇ ਅੰਦਰ ਜੰਗਲ ਬਣਿਆ ਹੋਇਆ ਹੈ।ਜੇਕਰ ਕੋਈ ਜਾਨਵਰ ਇਨ੍ਹਾਂ ਇਮਾਰਤਾਂ ਦੇ ਅੰਦਰ ਮਰ ਜਾਵੇ ਤਾਂ ਉਸਨੂੰ ਬਾਹਰ ਕੱਢਣਾ ਮੁਸ਼ਕਲ ਹੋ ਜਾਂਦਾ ਹੈ,ਕਿਉਂਕਿ ਡਰ ਬਣਿਆ ਰਹਿੰਦਾ ਹੈ ਕਿ ਕੋਈ ਸੱਪ ਜਾਂ ਹੋਰ ਕੀੜਾ-ਮਕੌੜਾ ਕੱਟ ਨਾ ਲਵੇ। ਨਿਗਮ ਅਧਿਕਾਰੀਆਂ ਨੂੰ ਚਾਹੀਦਾ ਹੈ ਕਿ ਉਹ ਇਮਾਰਤਾਂ ਦੇ ਮਾਲਿਕਾਂ ਨੂੰ ਨੋਟਿਸ ਭਿਜਵਾਉਣ ਅਤੇ ਖ਼ਸਤਾਹਾਲ ਇਮਾਰਤਾਂ ਨੂੰ ਸੀਲ ਕਰ ਦੇਣ ਤਾਂਕਿ ਮਕਾਨ ਮਾਲਿਕ ਇਨ੍ਹਾਂ ਇਮਾਰਤਾਂ ਨੂੰ ਵੇਚ ਨਾ ਸਕਣ ਅਤੇ ਬਾਅਦ ਵਿੱਚ ਇਨ੍ਹਾਂ ਇਮਾਰਤਾਂ ਨੂੰ ਗਿਰਾ ਦਿੱਤਾ ਜਾਵੇ।
ਉਨ੍ਹਾਂਨੇ ਕਿਹਾ ਕਿ ਬਾਰਿਸ਼ ਦੇ ਦਿਨਾਂ ਵਿੱਚ ਸਭਤੋਂ ਜ਼ਿਆਦਾ ਸਮੱਸਿਆ ਇਮਾਰਤਾਂ ਦੇ ਕੋਲ ਰਹਿਣ ਵਾਲਿਆ ਲੋਕਾਂ ਨੂੰ ਆਉਂਦੀ ਹੈ,ਕਿਉਂਕਿ ਉਨ੍ਹਾਂ ਦੇ ਦਿਲਾਂ ਵਿੱਚ ਹਮੇਸ਼ਾ ਡਰ ਬਣਿਆ ਰਹਿੰਦਾ ਹੈ ਕਿ ਕਿਤੇ ਇਮਾਰਤ ਉਨ੍ਹਾਂ ਦੀ ਤਰਫ ਨਾ ਡਿੱਗ ਜਾਵੇ।ਕਈ ਵਾਰ ਆਸਪਾਸ ਦੇ ਦੁਕਾਨਦਾਰਾਂ ਅਤੇ ਇਲਾਕੇ ਦੇ ਲੋਕਾਂ ਅਤੇ ਯੂਥ ਅਕਾਲੀ ਦਲ ਨੇ ਧਰਨਾ ਪ੍ਰਦਰਸ਼ਨ ਕਰਕੇ ਨਗਰ ਨਿਗਮ ਨੂੰ ਸ਼ਿਕਾਇਤ ਦਰਜ ਕਰਵਾਈ ਹੈ ਕਿ ਇਨ੍ਹਾਂ ਇਮਾਰਤਾਂ ਨੂੰ ਗਿਰਾਇਆ ਜਾਵੇ।ਇਸ ਮੌਕੇ ਤੇ ਸੈਂਡੀ,ਪ੍ਰਭ,ਰਿੱਕੀ,ਵਿਸ਼ਾਲ,ਬਲਜਿੰਦਰ ਸਿੰਘ ਆਦਿ ਮੌਜੂਦ ਸਨ।
