ਗੁਰਦਾਸਪੁਰ (ਦ ਸਟੈਲਰ ਨਿਊਜ਼), ਰਿਪੋਰਟ: ਲਵਪ੍ਰੀਤ ਖੁਸ਼ੀਪੁਰ। ਬਟਾਲਾ ਦੇ ਡੇਰਾ ਰੋਡ ਤੇ ਸਥਿਤ ਮਨਿਆਰੀ ਦੀ ਦੁਕਾਨ ਤੇ ਦੋ ਲੁਟੇਰਿਆਂ ਵਲੋਂ ਰਿਵਾਲਵਰ ਦਿਖਾ ਕੇ ਦੁਕਨਾਦਾਰ ਦੇ ਕੋਲੋ ਬੁਲੇਟ ਮੋਟਰਸਾਈਕਲ ਖੋਹਣ ਦੀ ਕੋਸ਼ਿਸ਼ ਕੀਤੀ ਗਈ ਅਤੇ ਜਿਸਤੋ ਬਾਅਦ ਖੋਹ ਕੇ ਭੱਜੇ ਜਾਂਦੇ ਲੁਟੇਰਿਆਂ ਦਾ ਲੋਕਾਂ ਨੇ ਪਿੱਛਾ ਕਰਕੇ ਇਕ ਲੁਟੇਰੇ ਨੂੰ ਕਾਬੂ ਕਰਦੇ ਹੋਏ ਪੁਲਿਸ ਦੇ ਹਵਾਲੇ ਕੀਤਾ । ਲੁਟੇਰਿਆਂ ਨੂੰ ਕਾਬੂ ਕਰਨ ਸਮੇਂ ਦੀ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ ।
ਪੀੜਤ ਦੁਕਨਾਦਾਰ ਚੇਤਨ ਡੋਗਰਾ ਅਤੇ ਉਸਦੇ ਪਿਤਾ ਭਾਰਤ ਭੂਸ਼ਣ ਨੇ ਦੱਸਿਆ ਕਿ ਦੋ ਨੌਜਵਾਨ ਗ੍ਰਾਹਕ ਬਣ ਕੇ ਦੁਕਾਨ ਤੇ ਆਏ ਅਤੇ ਪੀੜਤ ਦੁਕਨਾਦਾਰ ਚੇਤਨ ਦੀ ਕੰਨ ਕੋਲ ਰਿਵਾਲਵਰ ਰੱਖ ਕੇ ਬੁਲੇਟ ਮੋਟਰਸਾਈਕਲ ਦੀ ਚਾਬੀ ਮੰਗਣ ਲੱਗ ਪਏ ਅਤੇ ਜਿਸਤੋਂ ਬਾਅਦ ਉਹ ਦੁਕਨਾਦਾਰ ਕੋਲੋ ਚਾਬੀ ਲੈ ਕੇ ਬੁਲੇਟ ਮੋਟਰਸਾਈਕਲ ਲੈ ਕੇ ਫਰਾਰ ਹੋ ਗਏ । ਲੋਕਾਂ ਨੇ ਪਿੱਛਾ ਕਰਦੇ ਹੋਏ ਥੋੜੀ ਦੂਰੀ ਤੋਂ ਹੀ ਦੋਵਾਂ ਲੁਟੇਰਿਆਂ ਵਿਚੋਂ ਇਕ ਲੁਟੇਰੇ ਨੂੰ ਮੋਟਰਸਾਈਕਲ ਸਮੇਤ ਕਾਬੂ ਕਰ ਲਿਆ । ਪੁਲਿਸ ਨੇ ਮਾਮਲਾ ਦਰਜ ਕਰ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।