ਹੁਸਿ਼ਆਰਪੁਰ (ਦ ਸਟੈਲਰ ਨਿਊਜ਼)। ਸੈਣੀ ਜਾਗ੍ਰਿਤੀ ਮੰਚ ਪੰਜਾਬ ਦੀ ਸਾਰੀ ਟੀਮ ਵਲੋਂ ਪ੍ਰਧਾਨ ਕੁਲਵੰਤ ਸਿੰਘ ਸੈਣੀ ਨਗਰ ਨਿਗਮ ਹੁਸ਼ਿਆਰਪੁਰ ਵਲੋਂ ਜੋ ਭੰਗੀ ਚੋਅ ਦਾ ਸੁੰਦਰੀਕਰਨ ਸਬੰਧੀ ਮਿਤੀ 08.02.2023 ਤੋਂ 24.02.2023 ਤੱਕ ਸਫਾਈ ਪੰਦਰਵਾੜਾ ਚਲਾਇਆ ਜਾ ਰਿਹਾ ਹੈ ਇਸ ਸਬੰਧੀ ਵਲੋਂ ਬਹੁਤ ਬਹੁਤ ਮਬਾਰਕਾਂ ਦਿੰਦਾ ਹਾਂ। ਇਸ ਪੰਦਰਵਾੜੇ ਵਿਚ ਸਫਾਈ ਸੇਵਕ ਜੋ ਕਿ ਲਗਾਤਾਰ ਮਿਹਨਤ ਨਾਲ ਕੰਮ ਕਰ ਰਹੇ ਹਨ। ਸਫਾਈ ਸੇਵਕ ਜੋ ਪਿਛਲੇ ਸਮੇਂ ਵਿਚ ਪੰਜਾਬ ਸਰਕਾਰ ਵਲੋਂ ਆਊਟਸੋਰਸ ਤੋਂ ਇੰਨਸੋਰਸ ਕੀਤੇ ਹਨ ਉਸ ਦਾ ਉਹ ਪੂਰਾ ਮੁੱਲ ਚੁੱਕਾ ਰਹੇ ਹਨ। ਸਫਾਈ ਸੇਵਕਾ ਦੇ ਪ੍ਰਧਾਨ ਕਰਨਜੋਤ ਆਦੀਆ ਅਤੇ ਉਹਨਾਂ ਦੀ ਟੀਮ ਦਾ ਵੀ ਸੈਣੀ ਜਾਗ੍ਰਿਤੀ ਮੰਚ ਪੰਜਾਬ ਵਲੋਂ ਧੰਨਵਾਦ ਕੀਤਾ ਜਾਂਦਾ ਹੈ।
ਉਹਨਾਂ ਹੋਰ ਦੱਸਿਆ ਕਿ ਜਿਵੇਂ ਕਿ ਭੰਗੀ ਚੋਅ ਵਿਚ ਸਫਾਈ ਅਭਿਆਨ ਚੱਲ ਰਿਹਾ ਹੈ ਉਦਾਂ ਹੀ ਪੂਰੇ ਸ਼ਹਿਰ ਦੀ ਸਫਾਈ ਕਰਨ ਨਾਲ ਸੁੰਦਰਤਾ ਵਿਚ ਵਾਧਾ ਹੋਵੇਗਾ ਅਤੇ ਆਉਣ ਜਾਣ ਵਾਲੇ ਰਾਹਗੀਰ ਨੂੰ ਕੋਈ ਮੁਸ਼ਕਿਲ ਦਾ ਸਾਹਮਣਾ ਨਹੀਂ ਕਰਨਾ ਪਵੇਗਾ ਅਤੇ ਸ਼ਹਿਰ ਨੂੰ ਇੱਕ ਸੁੰਦਰ ਦਿਖ ਮਿਲੇਗੀ। ਇਸ ਲਈ ਮੈਂ ਸਾਰੇ ਸਫਾਈ ਸੇਵਕਾ ਅਤੇ ਉਹਨਾਂ ਦੀ ਟੀਮ ਨੂੰ ਵਧਾਈ ਦਿੰਦਾ ਹਾਂ ਜੋ ਦਿਨ ਰਾਤ ਅਣਥੱਕ ਮਿਹਨਤ ਕਰਕੇ ਸ਼ਹਿਰ ਨੂੰ ਸੁੰਦਰ ਬਣਾਉਣ ਵਿਚ ਆਪਣਾ ਯੋਗਦਾਨ ਦੇ ਰਹੇ ਹਨ। ਇਸ ਦੇ ਨਾਲ ਨਗਰ ਨਿਗਮ ਦੀਆਂ ਵੱਖ ਵੱਖ ਬ੍ਰਾਂਚਾ ਵਿਚ ਆਊਟਸੋਰਸ ਤੇ ਕੰਮ ਰਹੇ ਹਨ ਉਹਨਾਂ ਨੂੰ ਵੀ ਸਰਕਾਰ ਇੰਨਸੋਰਸ ਕਰਨ ਜਿਸ ਨਾਲ ਕਿ ਨਗਰ ਨਿਗਮ ਦੀ ਸੇਵਾਵਾਂ ਬਿਹਤਰ ਹੋ ਸਕਣ।