ਦਿੱਲੀ ( ਦ ਸਟੈਲਰ ਨਿਊਜ਼), ਜੋਤੀ ਗੰਗੜ੍ਹ। ਬਾਲੀਵੁੱਡ ਅਦਾਕਾਰਾ ਪਰਣੀਤੀ ਚੌਪੜਾ ਅਤੇ ਆਪ ਪਾਰਟੀ ਦੇ ਸੰਸਦ ਮੈਂਬਰ ਰਾਘਵ ਚੱਢਾ ਦਾ ਰਿਸ਼ਤਾ ਬੜਾ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਕਈ ਵਾਰ ਦੋਵੇਂ ਕਈ ਥਾਵਾਂ ਉਤੇ ਇਕੱਠੇ ਨਜ਼ਰ ਵੀ ਆਏ ਹਨ ਪਰ ਹੁਣ ਦੋਵੇਂ ਦੇ ਰਿਸ਼ਤੇ ਦੀ ਪੁਸ਼ਟੀ ਹੋ ਚੁੱਕੀ ਹੈ। ਆਪ ਐਮਪੀ ਸੰਜੀਵ ਅਰੋੜਾ ਵੱਲੋ ਦੋਵੇਂ ਦੇ ਰਿਸ਼ਤੇ ਦੀ ਟਵੀਟ ਕਰ ਪੁਸ਼ਟੀ ਕੀਤੀ ਗਈ ਹੈ।
ਆਪ ਆਗੂ ਸੰਜੀਵ ਅਰੋੜਾ ਨੇ ਲਿਖਿਆ ਹੈ ਕਿ ਪਰਣੀਤੀ ਚੌਪੜਾ ਅਤੇ ਰਾਘਵ ਚੱਢਾ ਨੂੰ ਦਿਲੋਂ ਵਧਾਈ ਦਿੰਦਾ ਹਾਂ… ਉਹਨਾਂ ਦੇ ਮਿਲਾਪ ਨੂੰ ਪਿਆਰ, ਅਨੰਦ ਅਤੇ ਸਾਥੀ ਦੀ ਭਰਪੂਰ ਬਖਸ਼ਿਸ਼ ਹੋਵੇ।…ਮੇਰੀਆਂ ਸ਼ੁਭਕਾਮਨਾਵਾਂ…। ਪਰਣੀਤੀ ਅਤੇ ਰਾਘਵ ਚੱਢਾ ਉਦੋ ਸੁਰਖੀਆਂ ਵਿੱਚ ਆਏ ਜਦੋਂ ਉਹਨਾਂ ਦੋਵਾਂ ਨੂੰ ਕਈ ਵਾਰ ਇਕੱਠੇ ਦੇਖਿਆ ਗਿਆ ਅਤੇ ਦੋਵਾਂ ਦੀਆਂ ਤਸਵੀਰਾਂ ਸ਼ੋਸਲ ਮੀਡੀਆਂ ਤੇ ਕਾਫੀ ਵਾਇਰਲ ਹੋ ਰਹੀਆਂ ਸਨ। ਪਰ ਹੁਣ ਆਮ ਆਦਮੀ ਪਾਰਟੀ ਦੇ ਐਮ ਪੀ ਵੱਲੋਂ ਸਾਂਝੇ ਕੀਤੇ ਟਵੀਟ ਤੋਂ ਬਾਅਦ ਉਨ੍ਹਾਂ ਦੇ ਰਿਸ਼ਤੇ ਦੀ ਪੁਸ਼ਟੀ ਹੋ ਗਈ ਹੈ।