ਕਪੂਰਥਲਾ (ਦ ਸਟੈਲਰ ਨਿਊਜ਼), ਗੌਰਵ ਮੜੀਆ। ਕਪੂਰਥਲਾ ਦੀ ਮਾਡਰਨ ਜੇਲ ਚ ਬੰਦ ਕੈਦੀਆਂ ਨਾਲ ਮੁਲਾਕਾਤ ਕਰਨ ਲਈ ਆਉਣ ਵਾਲੇ ਅਪਾਹਿਜ ਲੋਕਾਂ ਦੀ ਜੇਲ ਪ੍ਰਸਾਸ਼ਨ ਨਹੀਂ ਲੈ ਰਿਹਾ ਕੋਈ ਵੀ ਸਾਰ,ਇੱਕ ਕਿਲੋਮੀਟਰ ਪਿੱਛੋਂ ਪੈਦਲ ਚੱਲਕੇ ਜੇਲ ਦੇ ਮੁੱਖ ਗੇਟ ਦੇ ਅੰਦਰ ਜਾਕੇ ਫਿਰ ਕਰੀਬ 2 ਕਿਲੋਮੀਟਰ ਪੈਦਲ ਚੱਲਕੇ ਮੁਲਾਕਾਤ ਹਾਲ ਤੱਕ ਪੁੱਜਦੇ ਪੁੱਜਦੇ ਅਪਾਹਿਜ ਬੰਦੇ ਦੀ ਬਸ ਹੋ ਜਾਂਦੀ ਹੈ ਤੇ ਮੁਲਾਕਾਤ ਦਾ ਸਮਾਂ ਵੀ ਨਿਕਲ ਜਾਂਦਾ ਹੈ।
ਮਹਿੰਦਰ ਸਿੰਘ ਬਲੇਰ ਮੇਂਬਰ ਭਾਜਪਾ ਐਸ ਸੀ ਮੋਰਚਾ ਪੰਜਾਬ ਨੇ ਮੁੱਖਮੰਤਰੀ ਤੋਂ ਮੰਗ ਕੀਤੀ ਹੈ ਕਿ ਸੂਬੇ ਦੀ ਜੇਲਾਂ ਦੇ ਗੇਟਾਂ ਤੇ ਅਪਾਹਿਜ ਵਿਅਕਤੀਆਂ ਵਾਸਤੇ ਕੋਈ ਵਹੀਲ ਚੇਅਰ, ਆਟੋ, ਈ ਰਿਕਸ਼ਾ ਆਦਿ ਦਾ ਪ੍ਰਬੰਧ ਕੀਤਾ ਜਾਵੇ ਅਤੇ ਮੁੱਖ ਗੇਟ ਦੇ ਅੰਦਰ ਬੈਠਣ ਲਈ ਸ਼ੈਡ ਅਤੇ ਬੇਨਚਾਂ ਦਾ ਪ੍ਰਬੰਧ ਕੀਤਾ ਜਾਵੇ। ਇਸਦੇ ਨਾਲ ਨਾਲ ਗਰਮੀਆਂ ਚ ਠੰਡਾ ਪਾਣੀ ਪੀਣ ਲਈ ਵਾਟਰ ਕੂਲਰ ਦਾ ਪ੍ਰਬੰਧ ਕੀਤਾ ਜਾਵੇ। ਇਸ ਤੋਂ ਅਲਾਵਾ ਬਲੇਰ ਨੇ ਕਿਹਾ ਕਿ ਜੇਲ ਪ੍ਰਸਾਸ਼ਨ ਦੇ ਕਰਮਚਾਰੀਆਂ ਨੂੰ ਆਉਣ ਵਾਲੀ ਆਮ ਜਨਤਾ ਨਾਲ ਆਪਣੀ ਬੋਲ ਬਾਣੀ ਵੀ ਠੀਕ ਰੱਖਣ ਦੀ ਨਸੀਹਤ ਦਿੱਤੀ।