ਕਪੂਰਥਲਾ (ਦ ਸਟੈਲਰ ਨਿਊਜ਼)। ਵਿਰਾਸਤੀ ਸ਼ਹਿਰ ਦੇ ਸਾਰੇ ਮੰਦਰ ਅਤੇ ਬਜ਼ਾਰ ਰੰਮੀ ਹੋਣ ਲਈ ਤਿਆਰ ਹਨ। ਹਰ ਘਰ,ਮੰਦਰ,ਦੁਕਾਨ ਤੇ 22 ਜਨਵਰੀ ਅਤੇ ਇਸ ਰੋ ਪਹਿਲਾ ਕਈ ਤਰ੍ਹਾਂ ਦੇ ਧਾਰਮਿਕ ਪ੍ਰੋਗਰਾਮ ਕਰਵਾਏ ਜਾਣੇ ਹਨ।ਸਾਰੇ ਮੰਦਰਾਂ ਅਤੇ ਬਾਜ਼ਾਰਾਂ ਨੂੰ ਸੁੰਦਰ ਭਗਵੇਂ ਝੰਡੇ ਅਤੇ ਲਾਈਟਾਂ ਦੇ ਨਾਲ ਸਜਾਉਣ ਦੀ ਯੋਜਨਾਵਾਂ ਬਣਾਈਆਂ ਗਈਆਂ ਹੈ। ਕਈ ਥਾਵਾਂ ਤੇ ਸਜਾਵਟ ਸ਼ੁਰੂ ਹੋ ਗਈ ਹੈ।ਬਜਰੰਗ ਦਲ ਦੇ ਸਾਬਕਾ ਸੂਬਾ ਪ੍ਰਧਾਨ ਨਰੇਸ਼ ਪੰਡਿਤ ਨੇ ਦੱਸਿਆ ਕਿ ਵਿਸ਼ਵ ਹਿੰਦੂ ਪ੍ਰੀਸ਼ਦ ਅਤੇ ਬਜਰੰਗ ਦਲ ਦੇ ਅਧਿਕਾਰੀਆਂ ਨੇ ਜਨ ਜਾਗਰੂਕਤਾ ਮੁਹਿੰਮ ਸ਼ੁਰੂ ਕੀਤੀ ਹੈ।ਦੁਕਾਨ -ਦੁਕਾਨ ਘਰ-ਘਰ ਜਾ ਕੇ ਲੋਕਾਂ ਨੂੰ ਅਪੀਲ ਕੀਤੀ ਜਾ ਰਹੀ ਹੈ ਕਿ ਸ਼੍ਰੀ ਰਾਮ ਲਾਲਾ ਦੇ ਪ੍ਰਾਣ ਪ੍ਰਤਿਸ਼ਠਾ ਉਤਸਵ ਨੂੰ ਧੂਮਧਾਮ ਨਾਲ ਮਨਾਇਆ ਜਾਵੇ। ਅਯੁੱਧਿਆ ਤੋਂ ਆਏ ਅਕਸ਼ਤ ਵੀ ਲੋਕਾਂ ਨੂੰ ਦਿੱਤੇ ਜਾ ਰਹੇ ਹਨ। ਮੰਦਿਰ ਕਮੇਟੀਆਂ ਵੱਲੋਂ ਵੀ ਸ਼ਹਿਰ ਦੇ ਮੰਦਰਾਂ ਨੂੰ ਸੁੰਦਰ ਲਾਈਟਾਂ ਨਾਲ ਸਜਾਇਆ ਜਾਵੇਗਾ। ਮੰਦਰਾਂ ਵਿੱਚ ਸ਼੍ਰੀ ਰਾਮ ਭਜਨ, ਕੀਰਤਨ, ਸੁੰਦਰ ਕਾਂਠ ਦੇ ਪਾਠ ਅਤੇ ਭੰਡਾਰੇ ਹੋਣਗੇ। ਪ੍ਰਾਣ ਪ੍ਰਤਿਸ਼ਠਾ ਦਾ ਲਾਈਵ ਦ੍ਰਿਸ਼ ਜਗ੍ਹਾ-ਜਗ੍ਹਾ ਐਲਈਡੀ ਸਕਰੀਨ ਉੱਤੇ ਦਿਖਾਇਆ ਜਾਵੇਗਾ। ਹਰ ਰਾਮ ਭਗਤ ਉਤਸ਼ਾਹਿਤ ਹੈ। 22 ਜਨਵਰੀ ਨੂੰ ਵੱਡੀ ਦੀਵਾਲੀ ਵਜੋਂ ਮਨਾਉਣ ਦੀ ਯੋਜਨਾ ਹੈ।ਇਸ ਸਬੰਧ ਵਿੱਚ ਸ਼ਨੀਵਾਰ ਨੂੰ ਵਿਸ਼ਵ ਹਿੰਦੂ ਪ੍ਰੀਸ਼ਦ ਅਤੇ ਬਜਰੰਗ ਦਲ ਦੇ ਵਰਕਰਾਂ ਨੇ ਐਸਐਮਓ ਡਾ. ਸੰਦੀਪ ਧਵਨ, ਸੀਨੀਅਰ ਡਾਕਟਰ ਡਾ. ਸੰਦੀਪ ਭੋਲਾ, ਐਸਐਚਓ ਅਮਨਦੀਪ ਨਾਹਰ, ਸਤਿਆ ਨਾਰਾਇਣ ਮੰਦਿਰ ਕਮੇਟੀ ਦੇ ਨਰੇਸ਼ ਗੁਸਾਈਂ, ਡਾ. ਨਿਰਭੈ ਡੋਗਰਾ ਨੂੰ ਅਯੁੱਧਿਆ ਵਿਖੇ ਹੋ ਰਹੇ ਸ਼੍ਰੀ ਭਗਵਾਨ ਰਾਮ ਜੀ ਦੇ ਵਿਸ਼ਾਲ ਮੰਦਿਰ ਦੇ ਪ੍ਰਾਣ ਪ੍ਰਤਿਸ਼ਠਾ ਸਮਾਗਮ ਦਾ ਸੱਦਾ ਪੱਤਰ ਦਿੱਤਾ।
ਇਸ ਮੌਕੇ ਤੇ ਬਜਰੰਗ ਦਲ ਦੇ ਸਾਬਕਾ ਸੂਬਾ ਪ੍ਰਧਾਨ ਨਰੇਸ਼ ਪੰਡਿਤ ਅਤੇ ਜ਼ਿਲ੍ਹਾ ਪ੍ਰਧਾਨ ਜੀਵਨ ਪ੍ਰਕਾਸ਼ ਵਾਲੀਆ ਨੇ ਦੱਸਿਆ ਕਿ ਗ੍ਰੰਥਾਂ ਅਤੇ ਧਾਰਮਿਕ ਪ੍ਰਮਾਣਾਂ ਅਨੁਸਾਰ ਸਮਰਾਟ ਵਿਕਰਮਾਦਿਤਿਆ ਨੇ ਲਗਭਗ 100 ਈਸਾ ਪੂਰਵ ਵਿੱਚ ਇਸ ਮਹਿਲ ਉੱਤੇ ਇੱਕ ਸ਼ਾਨਦਾਰ ਮੰਦਰ ਬਣਵਾਇਆ ਸੀ। ਉਸ ਤੋਂ ਬਾਅਦ 15ਵੀਂ ਸਦੀ ਵਿੱਚ ਮੁਗਲਾਂ ਨੇ ਇਸ ਮੰਦਰ ਨੂੰ ਖੰਡਰ ਕਰ ਦਿੱਤਾ ਸੀ। ਇਸ ਤੋਂ ਬਾਅਦ ਇੱਥੇ ਇੱਕ ਮਸਜਿਦ ਬਣਾਈ ਗਈ ਅਤੇ ਇਸ ਦਾ ਨਾਂ ਬਾਬਰ ਦੇ ਨਾਂ ਬਾਬਰੀ ਮਸ਼ਜਿਦ ਰੱਖਿਆ ਗਿਆ।ਪਰ ਭਾਰਤ ਦੀ ਆਜ਼ਾਦੀ 1947 ਤੋਂ ਬਾਅਦ ਇਕ ਵਾਰ ਫਿਰ ਵਿਵਾਦ ਸ਼ੁਰੂ ਹੋ ਗਿਆ ਅਤੇ ਹਿੰਦੂਆਂ ਨੇ ਇਕ ਵਾਰ ਫਿਰ ਇਸ ਜਗ੍ਹਾ ਨੂੰ ਵਾਪਸ ਲੈਣ ਲਈ ਅੰਦੋਲਨ ਸ਼ੁਰੂ ਕੀਤਾ। ਅਖੀਰ 6 ਦਸੰਬਰ 1992 ਨੂੰ ਕਾਰਸੇਵਕਾਂ ਨੇ ਮਸਜਿਦ ਨੂੰ ਢਾਹ ਕੇ ਮੰਦਰ ਨੂੰ ਦੁਬਾਰਾ ਬਣਾਉਣ ਦੀ ਗੱਲ ਕੀਤੀ। ਮੰਦਰ। ਇਸ ਤੋਂ ਬਾਅਦ ਇਹ ਵਿਵਾਦ ਅਦਾਲਤ ਤੱਕ ਪਹੁੰਚਿਆ,ਜੋ 27 ਸਾਲ ਤੱਕ ਚੱਲਦਾ ਰਿਹਾ। ਉਸ ਤੋਂ ਬਾਅਦ 2019 ਵਿੱਚ ਵਿਗਿਆਨਕ ਪ੍ਰਮਾਣਿਕਤਾ ਤੋਂ ਬਾਅਦ ਸੁਪਰੀਮ ਕੋਰਟ ਨੇ ਹਿੰਦੂਆਂ ਦੇ ਹੱਕ ਵਿੱਚ ਫੈਸਲਾ ਸੁਣਾਇਆ। ਇਸ ਲਈ ਇਸ ਸਥਾਨ ਤੇ ਮੁੜ ਤੋਂ ਸ਼੍ਰੀ ਰਾਮ ਮੰਦਰ ਦੀ ਉਸਾਰੀ ਸ਼ੁਰੂ ਹੋ ਗਈ।ਇਸ ਮੌਕੇ ਬਜਰੰਗ ਦਲ ਦੇ ਸੂਬਾਈ ਆਗੂ ਸੰਜੇ ਸ਼ਰਮਾ,ਜ਼ਿਲ੍ਹਾ ਉਪ ਪ੍ਰਧਾਨ ਆਨੰਦ ਯਾਦਵ, ਸ਼ਹਿਰੀ ਪ੍ਰਧਾਨ ਚੰਦਨ ਸ਼ਰਮਾ,ਬਜਰੰਗ ਦਲ ਆਗੂ ਸੰਜੀਵ ਕੁਮਾਰ ਸੋਨੂੰ, ਜ਼ਿਲ੍ਹਾ ਇੰਚਾਰਜ ਬਾਵਾ ਪੰਡਿਤ, ਵਿਜੇ ਯਾਦਵ, ਰਾਜੀਵ ਟੰਡਨ,ਅਤੁਲ ਗਰਗ,ਮਨੀਸ਼ ਕੁਮਾਰ(ਬਜਰੰਗੀ) ਆਯੂਸ਼,ਅਸ਼ੀਸ਼ ਠਾਕੁਰ, ਵਿਸ਼ਾਲ,ਸ਼ੁਭਮ, ਹਰੀਓਮ ਗੋਵਿੰਦ ਆਦਿ ਹਾਜ਼ਰ ਸਨ।