ਜਗਰਾਓਂ (ਦ ਸਟੈਲਰ ਨਿਊਜ਼)। ਜਗਰਾਓਂ ਦੇ ਪੁਲਿਸ ਕੁਆਰਟਰਾਂ ਵਿੱਚ ਥਾਣੇਦਾਰ ਦੀ ਪਤਨੀ ਦੀ ਪੱਖੇ ਨਾਲ ਲਟਕਦੀ ਲਾਸ਼ ਮਿਲਣ ਦੀ ਖਬਰ ਮਿਲੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਥਾਣੇਦਾਰ ਮਨਦੀਪ ਸਿੰਘ ਦਾ ਵਿਆਹ 8 ਸਾਲ ਪਹਿਲਾਂ ਸਹਾਰਨਪੁਰ ਦੇ ਪਿੰਡ ਜਹਾਨਖੇੜਾ ਦੀ ਸੋਨੀਆ ਪੁੱਤਰੀ ਰਾਜ ਕੁਮਾਰ ਨਾਲ ਹੋਇਆ ਸੀ ਤੇ ਦੋਵਾਂ ਵਿੱਚ ਘਰੇਲੂ ਕਲੇਸ਼ ਰਹਿੰਦਾ ਸੀ। ਜਾਣਕਾਰੀ ਮੁਤਾਬਕ ਮਨਦੀਪ ਨੇ ਆਪਣੇ ਸਹੁਰੇ ਘਰ ਫੋਨ ਕਰਕੇ ਦੱਸਿਆ ਕਿ ਸੋਨੀਆ ਠੀਕ ਨਹੀਂ ਹੈ ਤੇ ਉਹ ਸਿੱਧਵਾਂ ਬੇਟ ਆ ਜਾਣ ਤੇ ਜਦੋਂ ਤੱਕ ਸੋਨੀਆ ਦਾ ਪਰਿਵਾਰ ਸਿੱਧਵਾਂ ਬੇਟ ਪੁੱਜਾ, ਉਸਤੋਂ ਪਹਿਲਾਂ ਹੀ ਸੋਨੀਆ ਦੀ ਕਮਰੇ ਵਿੱਚ ਪੱਖੇ ਨਾਲ ਲਾਸ਼ ਲਟਕਦੀ ਮਿਲੀ।
ਮ੍ਰਿਤਕਾਂ ਸੋਨੀਆ ਨੇ ਮਨਦੀਪ ਤੇ ਆਰੌਪ ਲਗਾਏ ਹਨ ਕਿ ਮਨਦੀਪ ਨੇ ਉਨ੍ਹਾਂ ਦੀ ਧੀ ਨੂੰ ਗਲਾ ਘੁੱਟ ਕੇ ਮਾਰ ਦਿੱਤਾ ਤੇ ਉਸਦੀ ਲਾਸ਼ ਨੂੰ ਪੱਖੇ ਨਾਲ ਲਟਕਾ ਕੇ ਇਸਨੂੰ ਆਤਮਹੱਤਿਆ ਵਿੱਚ ਬਦਲ ਦਿੱਤਾ ਹੈ। ਹਾਦਸੇ ਤੋਂ ਬਾਅਦ ਮਨਦੀਪ ਮੌਕੇ ਤੋਂ ਫਰਾਰ ਦੱਸਿਆ ਜਾ ਰਿਹਾ ਹੈ। ਫਿਲਹਾਲ ਪੁਲਿਸ ਨੇ ਮੌਕੇ ਤੇ ਪਹੁੰਚ ਕੇ ਲਾਸ਼ ਨੂੰ ਕਬਜੇ ਵਿੱਚ ਲੈ ਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
