ਤਲਵਾੜਾ (ਦ ਸਟੈਲਰ ਨਿਊਜ਼), ਰਿਪੋਰਟ: ਪ੍ਰਵੀਨ ਸੋਹਲ। ਬਲਾਕ ਤਲਵਾੜਾ ਦੇ ਅਧੀਨ ਆਉਂਦੇ ਸਰਕਾਰੀ ਐਲੀਮੈਂਟਰੀ ਸਕੂਲ ਪੰਡਾਇਣ ਵਿੱਚ ਸਤਿਕਾਰ ਯੋਗ ਪੂਜਾ ਦੇਵੀ ਜੀ ਨੇ ਆਪਣੀ ਸਵਰਗਵਾਸੀ ਪਤੀ ਸ਼੍ਰੀ ਰਾਮ ਪਾਲ ਮਹਿਰਾ ਦੀ ਯਾਦ ਵਿੱਚ ਗਰਮੀ ਭਰੇ ਮੌਸਮ ‘ਚ ਸਕੂਲੀ ਬੱਚਿਆਂ ਨੂੰ ਠੰਢਾ ਜਲ ਸਪਲਾਈ ਦੀ ਸੁਵਿਧਾ ਲਈ ਆਪਣੀ ਨੇਕ ਕਿਰਤ ਕਮਾਈ ਵਿਚੋਂ ਪੰਡਾਇਣ ਸਕੂਲ ਨੂੰ ਵਾਟਰ ਕੂਲਰ ਭੇਂਟ ਕੀਤਾ।
Advertisements
ਸਕੂਲ ਮੁੱਖੀ ਮੈਡਮ ਮੀਨਾਕਸ਼ੀ ਨੇ ਸਤਿਕਾਰਯੋਗ ਪੂਜਾ ਦੇਵੀ ਜੀ ਦੁਆਰਾ ਕੀਤੇ ਸ਼ਲਾਘਾਯੋਗ ਉਪਰਾਲੇ ਦੀ ਪ੍ਰਸੰਸਾ ਕਰਦਿਆਂ ਕਿਹਾ ਕਿ ਪ੍ਰਾਇਮਰੀ ਪੱਧਰ ਦੇ ਬੱਚਿਆਂ ਲਈ ਭੇਂਟ ਕੀਤਾ ਵਾਟਰ ਕੂਲਰ ਗਰਮੀ ਦੇ ਮੌਸਮ ਵਿੱਚ ਬੱਚਿਆਂ ਲਈ ਲਾਹੇਵੰਦ ਸਾਬਤ ਹੋਵੇਗਾ। ਇਸ ਮੌਕੇ ਅਧਿਆਪਕ ਅਸ਼ਵਨੀ ਕੁਮਾਰ , ਅਧਿਆਪਕਾ ਅਨੀਤਾ ਰਾਣੀ ਅਤੇ ਰਕੇਸ਼ ਕੁਮਾਰ ਹਾਜ਼ਰ ਸਨ।
