ਲੁਧਿਆਣਾ(ਦ ਸਟੈਲਰ ਨਿਊਜ਼)। ਲੁਧਿਆਣੇ ਦੇ ਨੈਸ਼ਨਲ ਹਾਈਵੇਅ ਤੇ ਲੁੱਟਖੋਹ ਦਾ ਮਾਮਲਾ ਸਾਹਮਣੇ ਆਇਆ ਹੈ।ਜਿੱਥੇ ਇੱਕ ਆਟੋ ਚਾਲਕ ਨੇ ਆਪਣੇ ਕੁਝ ਸਾਥੀਆਂ ਨਾਲ ਮਿਲਕੇ ਇਸ ਵਾਰਦਾਤ ਨੂੰ ਅੰਜ਼ਾਮ ਦਿੱਤਾ ਹੈ। ਪੀੜਤ ਮਹਿਲਾ ਨੇ ਦੱਸਿਆ ਉਹ ਆਟੋ ਵਿੱਚ ਬੈਠ ਕੇ ਫਿਲੌਰ ਵੱਲ ਜਾ ਰਹੀ ਸੀ ਅਤੇ ਆਟੋ ਵਿੱਚ ਚਾਲਕ ਤੋਂ ਇਲਾਵਾ 3 ਨੌਜਵਾਨ ਬੈਠੇ ਸੀ। ਰਸਤੇ ਵਿੱਚ ਇੱਕ ਲੜਕਾ ਬਾਥਰੂਮ ਜਾਣ ਲਈ ਆਟੋ ਨੂੰ ਰੁਕਵਾਇਆ ਅਤੇ ਵਾਪਸ ਆਉਣ ਤੇ ਮਹਿਲਾ ਨੂੰ ਵਿਚਕਾਰ ਵਾਲੀ ਸੀਟ ਤੇ ਬਿਠਾ ਦਿੱਤਾ।
Advertisements
ਜਾਣਕਾਰੀ ਮੁਤਾਬਕ ਥੋੜੀ ਦੇਰ ਬਾਅਦ ਤਿੰਨਾਂ ਲੁਟੇਰਿਆਂ ਨੇ ਤੇਜ਼ ਹਥਿਆਰ ਕੱਢ ਕੇ ਔਰਤ ਨੂੰ ਚੁੰਨੀ ਨਾਲ ਬੰਨਣ ਦੀ ਕੋਸ਼ਿਸ ਕੀਤੀ ਤਾਂ ਮਹਿਲਾ ਮਦਦ ਮੰਗਣ ਲਈ ਆਟੋ ਦੇ ਬਾਹਰ ਲਟਕ ਗਈ । ਪਰ ਕੁਝ ਦੂਰੀ ਤੋਂ ਬਾਅਦ ਤੇਜ਼ ਰਫਤਾਰ ਕਾਰਨ ਆਟੋ ਪਲਟ ਗਿਆ, ਜਿਸ ਕਾਰਨ 2 ਲੁਟੇਰੇ ਜ਼ਖਮੀ ਹੋ ਗਏ ਪਰ ਤੀਜਾ ਲੁਟੇਰਾ ਫਰਾਰ ਹੋ ਗਿਆ। ਇਸ ਹਾਦਸੇ ਵਿੱਚ ਮਹਿਲਾ ਵੀ ਜ਼ਖਮੀ ਹੋ ਗਈ ਹੈ। ਪੁਲਿਸ ਨੇ ਦੋ ਲੁਟੇਰਿਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।
