ਹੁਸ਼ਿਆਰਪੁਰ (ਦ ਸਟੈਲਰ ਨਿਊਜ਼), ਰਿਪੋਰਟ- ਪੁਸ਼ਪਿੰਦਰ। ਸਮਾਜ ਵਿੱਚ ਧੀਆਂ ਦਾ ਰੁਤਵਾ ਉਚਾ ਰੱਖਣ ਲਈ ਅਤੇ ਲਿੰਗ ਅਨੁਪਾਤ ਵਿੱਚ ਸੁਧਾਰ ਦੇ ਮੱਦੇ ਨਜਰ ਲੋਕਾਂ ਵਿੱਚ ਜਾਗਰੂਕਤਾ ਪੈਦਾ ਕਰਨ ਦੇ ਮਕਸਦ ਨਾਲ ਸਿਹਤ ਵਿਭਾਗ ਵੱਲੋ ਆਉ ਮਨਾਈਏ ਧੀਆਂ ਦੀ ਲੋਹੜੀ ਪ੍ਰੋਗਰਾਮ ਅਨੁਸਾਰ ਸਿਵਲ ਸਰਜਨ ਰੇਨੂੰ ਸੂਦ ਦੇ ਦਿਸ਼ਾ ਨਿਰਦੇਸ਼ ਅਤੇ ਸਹਾਇਕ ਸਿਵਲ ਸਰਜਨ ਡਾ. ਪਵਨ ਕੁਮਾਰ ਦੀ ਅਗਵਾਈ ਹੇਠ ਸਿਵਲ ਹਸਪਤਾਲ ਦੇ ਐਮ. ਸੀ. ਐਚ. ਵਿੰਗ ਵਿੱਚ ਨਵ ਜੰਮੀਆਂ ਧੀਆਂ ਦੇ ਆਗਮਨ ਤੇ ਵਿਭਾਗ ਵੱਲੋ ਤੋਹਫੇ ਅਤੇ ਲੋਹੜੀ ਦਾ ਸ਼ਗਨ ਦੇ ਕੇ ਲੋਹੜੀ ਮਨਾਈ ।
ਇਸ ਮੋਕੇ 18 ਨਵ ਜੰਮੀਆਂ ਬੱਚੀਆਂ ਨੂੰ ਲੋਹੜੀ ਦੇ ਮੌਕੇ ਤੇ ਬੇਟੀ ਬੇਟਾ ਇਕ ਸਮਾਨ ਦਾ ਨਾਰਾ ਦਿੱਤਾ । ਇਸ ਮੋਕੇ ਨਰਸਿੰਗ ਸਕੂਲ ਦੀਆਂ ਵਿਦਿਆਰਥਾਣਾ ਨੇ ਰੰਗਾ ਰੰਗ ਪ੍ਰੋਗਰਾਮ ਪੇਸ਼ ਕੀਤਾ। ਇਸ ਮੋਕੇ ਡਾ. ਪਵਨ ਕੁਮਾਰ ਨੇ ਦੱਸਿਆ ਕਿ ਧੀਆਂ ਪਰਿਵਾਰ ਦਾ ਧੁਰਾ ਹਨ ਇਹਨਾਂ ਤੋ ਇਲਾਵਾਂ ਸਮਾਜ ਦੀ ਕਲਪਨਾ ਵੀ ਨਹੀਂ ਕੀਤੀ ਜਾ ਸਕਦੀ ਅੱਜ ਦੀ ਬੇਟੀ ਕਿਸੇ ਵੀ ਖੇਤਰ ਵਿੱਚ ਘੱਟ ਨਹੀ ਹੈ । ਇਸ ਲਈ ਸਾਨੂੰ ਬੇਟੇ ਅਤੇ ਬੇਟੀ ਵਿੱਚ ਅੰਤਰ ਨਹੀ ਕਰਨਾ ਚਹੀਦਾ । ਡਾ. ਪੂਜਾ ਗੋਇਲ ਤੇ ਮਲਟੀਪਰਪਜ ਦੇ ਸਕੂਲ ਦੇ ਵਿਦਿਆਰਥੀਆਂ ਵੱਲੋ ਲੋਹੜੀ ਦੇ ਗੀਤ ਤੇ ਗਿੱਧਾ ਤੇ ਬੋਲੀਆ ਪਾ ਕੇ ਮਹੋਲ ਨੂੰ ਹੋਰ ਸੁਹਵਾਣਾ ਤੇ ਰੰਗ ਮਈ ਕਰ ਦਿੱਤਾ ।
ਜਿਲਾ ਸਿਹਤ ਅਫਸਰ ਡਾ. ਸੇਵਾ ਸਿੰਘ, ਡਾ. ਸਤਪਾਲ ਗੋਜਰਾ, ਡਾ. ਗੁਰਦੀਪ ਸਿੰਘ ਕਪੂਰ, ਡਾ. ਸੁਨੀਲ ਅਹੀਰ, ਡਾ. ਸੁਲੇਸ਼ ਕੁਮਾਰ, ਜਿਲਾਂ ਮਾਸ ਮੀਡੀਆ ਅਫਸਰ ਪਰੋਸ਼ਤਮ ਲਾਲ, ਡਿਪਟੀ ਮਾਸ ਮੀਡੀਆ ਅਫਸਰ ਗੁਰਜੀਸ਼ ਕੋਰ, ਮੁੰਹਮਦ ਆਸਿਫ, ਸੁਪਰਡੈਂਟ ਰਜਿੰਦਰ ਕੋਰ, ਸਤਪਾਲ ਪੀ ਏ, ਸੁਰਿੰਦਰ ਵਾਲੀਆਂ ਤੇ ਪੀ.ਪੀ. ਯੂਨਿਟ ਦਾ ਸਟਾਫ, ਸਿਵਲ ਸਰਜਨ ਦਫਤਰ ਦਾ ਸਟਾਫ ਹਾਜਰ ਸਨ ।