ਹੁਸ਼ਿਆਰਪੁਰ (ਦ ਸਟੈਲਰ ਨਿਊਜ਼),ਰਿਪੋਰਟ: ਜਤਿੰਦਰ ਪ੍ਰਿੰਸ। ਨਗਰ ਨਿਗਮ ਹੁਸ਼ਿਆਰਪੁਰ ਵਿੱਚ ਕੰਮ ਕਰ ਰਹੇ ਸੀਵਰਮੈਂਨਾ ਦਾ ਇੱਕ ਵਫ਼ਦ ਕੌਸਲਰ ਰੂਪ ਲਾਲ ਥਾਪਰ ਅਤੇ ਸੀਵਰਮੈਨ ਯੂਨੀਅਨ ਦੇ ਪ੍ਰਧਾਨ ਨਰੇਸ਼ ਕੁਮਾਰ ਦੀ ਅਗਵਾਈ ਹੇਠ ਨਗਰ ਨਿਗਮ ਦੇ ਮੇਅਰ ਸ਼ਿਵ ਸੂਦ ਨੂੰ ਮਿਲੇ ਅਤੇ ਮੰਗ ਪੱਤਰ ਦਿੰਦਿਆਂ ਦੱਸਿਆ ਕਿ ਉਹ ਪਿਛੱਲੇ 20 ਸਾਲ ਤੋਂ ਨਗਰ ਨਿਗਮ ਵਿਖੇ ਬਾਤੌਰ ਸੀਵਰਮੈਨ ਕੰਮ ਕਰ ਰਹੇ ਹਨ ਇਹ ਕੰਮ ਬਹੁਤ ਜ਼ੋਖਮ ਭਰਿਆ ਕੰਮ ਹੈ ਜਿਸ ਨੂੰ ਇਹ ਸਾਰੇ ਕਰਮਚਾਰੀ ਬਹੁਤ ਇਮਾਨਦਾਰੀ ਅਤੇ ਮੇਹਨਤ ਨਾਲ ਕਰ ਰਹੇ ਹਨ। ਇਸ ਲਈ ਸਮੂਹ ਸੀਵਰਮੈਨਾਂ ਨੂੰ ਪੱਕੇ ਤੌਰ ਤੇ ਭਰਤੀ ਕੀਤਾ ਜਾਵੇ ਤਾਂ ਜੋ ਇਹ ਕਰਮਚਾਰੀ ਹੋਰ ਵੀ ਮੇਹਨਤ ਨਾਲ ਸੇਵਾਵਾਂ ਨਿੱਭਾ ਸਕਨ ।
ਮੇਅਰ ਸ਼ਿਵ ਸੂਦ ਨੇ ਸਮੂਹ ਸੀਵਰਮੈਨਾਂ ਦੇ ਵਫਦ ਨੂੰ ਭਰੋਸਾ ਦਵਾਇਆ ਕਿ ਉਹਨਾਂ ਦੀ ਮੰਗ ਨੂੰ ਦੇਖਦੇ ਹੋਏ ਜਲਦ ਹੀ ਇਸ ਸਬੰਧੀ ਕਾਰਵਾਈ ਕੀਤੀ ਜਾਵੇਗੀ ਅਤੇ ਸਰਕਾਰ ਨੂੰ ਸਿਫਾਰਿਸ਼ ਕਰਕੇ ਨਗਰ ਨਿਗਮ ਵਿੱਖੇ ਪੱਕੇ ਤੌਰ ਤੇ ਨਿਯੂਕਤ ਕਰਨ ਲਈ ਲਿਖਿਆ ਜਾਵੇਗਾ। ਉਹਨਾਂ ਦੱਸਿਆ ਕਿ ਇਸ ਸਬੰਧੀ ਪਹਿਲਾਂ ਵੀ ਸਰਕਾਰ ਨੂੰ ਸਿਫਾਰਿਸ਼ ਕੀਤੀ ਜਾ ਚੁੱਕੀ ਹੈ। ਇਸ ਮੌਕੇ ਤੇ ਸੀਵਰਮੈਨ ਅਸ਼ੋਕ ਕੁਮਾਰ, ਕਮਲ ਕੁਮਾਰ, ਸੁਲੰਿਦਰ ਕੁਮਾਰ, ਰਕੇਸ਼ ਕੁਮਾਰ, ਜਗਦੀਸ਼ ਕੁਮਾਰ, ਰੋਹਿਤ, ਹਨੀ ਕੁਮਾਰ, ਰਮਨ ਕੁਮਾਰ, ਟਿੰਕੂ, ਅਸ਼ੋਕ ਕੁਮਾਰ ਅਤੇ ਹੋਰ ਮੈੰਬਰ ਵੀ ਹਾਜਰ ਸਨ।
