ਹਾਜੀਪੁਰ,(ਪ੍ਰਵੀਨ ਸੋਹਲ): ਹਾਜੀਪੁਰ ਪੁਲਿਸ ਵਲੋਂ ਦੋ ਅਣਪਛਾਤੇ ਨੌਜਵਾਨਾਂ ਤੇ ਇੱਕ ਔਰਤ ਦੀ ਸੋਨੇ ਦੀ ਚੈਨ ਝਪਟਾ ਮਾਰ ਕੇ ਖੋਹਣ ਦਾ ਮਾਮਲਾ ਦਰਜ਼ ਕੀਤਾ ਗਿਆ ਹੈ। ਇਸ ਵਾਰੇ ਜਣਕਾਰੀ ਦਿੰਦੇ ਹੋਏ ਥਾਣਾ ਮੁੱਖੀ ਲੋਮੇਸ਼ ਸ਼ਰਮਾ ਨੇ ਦੱਸਿਆ ਕਿ ਇਹ ਮਾਮਲਾ ਏ ਐੱਸ ਆਈ ਜਗਜੀਤ ਸਿੰਘ ਵਲੋਂ ਦਰਜ ਕੀਤਾ ਗਿਆ ਹੈ।
ਜਿਸ ਵਿੱਚ ਉਹਨਾਂ ਦੱਸਿਆ ਕਿ ਨਮਿੰਦਰ ਕੌਰ ਪਤਨੀ ਜਸਪਾਲ ਸਿੰਘ ਪਿੰਡ ਘੱਲੂ ਵਾਲ ਥਾਣਾ ਮੁਕੇਰੀਆਂ ਦੇ ਬਿਆਨ ਤੇ ਦਰਜ ਕੀਤਾ ਗਿਆ ਹੈ।ਜਿਸ ਵਿੱਚ ਉਸ ਨੇ ਦੱਸਿਆ ਉਸ ਦੀ ਉਮਰ 28 ਸਾਲ ਦੀ ਹੈ ਉਹ ਇਕ ਘਰੇਲੂ ਕੰਮਕਾਜ ਕਰਦੀ ਹੈ। ਅੱਜ ਤਕਰੀਬਨ ਦੁਪਿਹਰ ਦੋ ਵਜੇ ਆਪਣੀ ਮਾਂ ਪ੍ਰੇਮ ਕੌਰ ਉਮਰ 52 ਸਾਲ ਨਾਲ ਆਪਣੀ ਐਕਟਿਵਾ PB-07-AY-1583 ਤੇ ਸਵਾਰ ਹੋ ਕੇ ਮੁਕੇਰੀਆਂ ਤੋਂ ਆਪਣੇ ਪਿੰਡ ਭਲੋਵਾਲ ਨੂੰ ਆ ਰਹੀ ਸੀ ਕਿ ਦੋ ਮੋਨੇ ਅਣਪਛਾਤੇ ਨੌਜਵਾਨ ਜਿਹਨਾਂ ਦੀ ਉਮਰ 27/28 ਸਾਲ ਦੀ ਹੋਵੇਗੀ ਨੇ ਸਕੂਟਰੀ ਲਿਆ ਕੇ ਮੇਰੇ ਬਰਾਬਰ ਕਰ ਲਈ ਤੇ ਪਿਛਲੇ ਨੌਜਵਾਨ ਨੇ ਮੇਰੀ ਸੋਨੇ ਦੀ ਚੈਨ ਝਪਟਾ ਮਾਰ ਕੇ ਖਿਚ ਲਈ ।
ਉਹਨਾਂ ਅਣਪਛਾਤੇ ਨੌਜਵਾਨਾਂ ਦੀ ਸਕੂਟਰੀ ਦਾ ਨੰਬਰ PB-07-BL-8458 ਮਾਰਕਾ ਮੈਸਟਿਰਉ ਸੀ। ਹਾਜੀਪੁਰ ਪੁਲਿਸ ਨੇ ਉਸ ਦੇ ਬਿਆਨਾਂ ਤੇ ਅਣਪਛਾਤੇ ਨੌਜਵਾਨਾਂ ਉਪਰ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿਤੀ ਹੈ।