ਕਪੂਰਥਲਾ (ਦ ਸਟੈਲਰ ਨਿਊਜ਼), ਰਿਪੋਰਟ-ਕੁਮਾਰ ਗੌਰਵ। ਕਪੂਰਥਲਾ ਦੇ ਵਿਧਾਇਕ ਰਾਣਾ ਗੁਰਜੀਤ ਸਿੰਘ ਨੂੰ ਪੰਜਾਬ ਦਾ ਤਕਨੀਕੀ ਸਿਖਿਆ ਮੰਤਰੀ ਬਣਾ ਕੇ ਚੰਨੀ ਸਰਕਾਰ ਨੇ ਪੰਜਾਬ ਨੂੰ ਤੱਰਕੀ ਦੇ ਰਾਹ ਵਲ ਤੋਰ ਦਿੱਤਾ ਹੈ। ਕਿਉਂਕਿ, ਰਾਣਾ ਜੀ ਵਰਗਾ ਸੂਝਵਾਨ ਤੇ ਕਾਬਿਲ ਇਨਸਾਨ ਹੀ ਪੰਜਾਬ ਨੂੰ ਤੱਰਕੀ ਦੀ ਲੀਹ ਤੇ ਤੋਰੇਗਾ ਉਕਤ ਸ਼ਬਦਾਂ ਦਾ ਪ੍ਰਗਟਾਵਾ ਕਪੂਰਥਲਾ ਦੇ ਸੀਨੀਅਰ ਕਾਂਗਰਸੀ ਆਗੂ ਕੁਲਦੀਪ ਸਿੰਘ ਨੇ ਕੀਤਾ। ਉਨ੍ਹਾਂ ਕਿਹਾ ਕਿ ਕਪੂਰਥਲਾ ਵਾਸੀਆਂ ਨੂੰ ਬਹੁਤ ਮਾਨ ਹੈ ਕਿ ਉਹਨਾਂ ਦੇ ਹਲਕਾ ਵਿਧਾਇਕ ਨੂੰ ਸਰਕਾਰ ਦੇ ਅੰਦਰ ਵਜ਼ੀਰੀ ਮਿਲੀ ਹੈ।
ਇਸ ਗੱਲ ਲਈ ਉਹ ਸਮੁੱਚੀ ਕਾਂਗਰਸ ਹਾਈਕਮਾਨ ਦੇ ਧੰਨਵਾਦੀ ਹਨ ਕਿ ਓਹਨਾ ਨੇ ਪੰਜਾਬ ਨੂੰ ਤੱਰਕੀ ਦੇ ਰਾਹ ਵੱਲ ਤੋਰਨ ਲਈ ਰਾਣਾ ਗੁਰਜੀਤ ਨੂੰ ਕੈਬਨਿਟ ਮੰਤਰੀ ਦਾ ਅਹੁਦਾ ਦੇਕੇ ਨਵਾਜਿਆ ਹੈ। ਕਪੂਰਥਲਾ ਵਾਸੀ ਇਸ ਗੱਲ ਦੇ ਗਵਾਹ ਹਨ ਕਿ ਜਿਸ ਦਿਨ ਦੇ ਰਾਣਾ ਜੀ ਕਪੂਰਥਲਾ ਦੇ ਵਿਧਾਇਕ ਬਣੇ ਹਨ ਉਸ ਦਿਨ ਤੋਂ ਰਾਣਾ ਜੀ ਨੇ ਜੋ ਵਾਅਦੇ ਕਪੂਰਥਲਾ ਵਾਸੀਆਂ ਨਾਲ ਕੀਤੇ ਉਹ ਵਾਅਦੇ ਪੂਰੇ ਕੀਤੇ ਹਨ। ਇਸ ਲਈ ਪਹਿਲਾ ਰਾਣਾ ਜੀ ਨੇ ਕਪੂਰਥਲਾ ਦਾ ਵਿਕਾਸ ਜੰਗੀ ਪੱਧਰ ਤੇ ਕੀਤਾ ਹੁਣ ਸੂਬੇ ਦਾ ਵਿਕਾਸ ਜੰਗੀ ਪੱਧਰ ਤੇ ਉਹਨਾਂ ਵਲੋਂ ਕੀਤਾ ਜਾਏਗਾ। ਕੁਲਦੀਪ ਸਿੰਘ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਦੇ ਵਿਕਾਸ ਦੇ ਕੀਤੇ ਕੰਮਾਂ ਦੀ ਬਦੋਲਤ 2022 ਵਿਚ ਦੋਬਾਰਾ ਕਾਂਗਰਸ ਪੰਜਾਬ ਵਿੱਚ ਆਪਣੀ ਮੁੜ ਸਰਕਾਰ ਬਣਾਉਣ ਜਾ ਰਹੀ ਹੈ।
