ਗੁਰਦਾਸਪੁਰ ( ਦ ਸਟੈਲਰ ਨਿਊਜ਼), ਰਿਪੋਰਟ: ਲਵਪ੍ਰੀਤ ਖੁਸ਼ੀਪੁਰ। ਵਿਧਾਨਸਭਾ ਹਲਕਾ ਗੁਰਦਾਸਪੁਰ ਤੋਂ ਭਾਜਪਾ ਦੇ ਉਮੀਦਵਾਰ ਪਰਮਿੰਦਰ ਸਿੰਘ ਗਿੱਲ ਦੇ ਹੱਕ ਵਿੱਚ ਚੋਣ ਪ੍ਰਚਾਰ ਕਰਨ ਲਈ ਗੁਰਦਾਸਪੁਰ ਦੇ ਪਿੰਡ ਬਾਹਿਆਂ ਵਿੱਚ ਕੇਂਦਰੀ ਮੰਤਰੀ ਗਜੇਂਦਰ ਸ਼ੇਖਾਵਤ ਨਤਮਸਤਕ ਹੋਏ। ਇਸ ਮੌਕੇ ਉਹਨਾਂ ਨੇ ਕਿਹਾ ਕਿ, ਪੰਜਾਬ ਦੀ ਧਰਤੀ ਬਹਾਦਰਾਂ ਅਤੇ ਸੂਰਬੀਰਾਂ ਦੀ ਧਰਤੀ ਹੈ, ਲੇਕਿਨ ਸ਼ਹੀਦਾਂ ਨੇ ਅਜਿਹੇ ਪੰਜਾਬ ਦੀ ਕਲਪਨਾ ਨਹੀਂ ਕੀਤੀ ਸੀ ਜੋ ਅੱਜ ਬੇਰੋਜ਼ਗਾਰੀ ਅਤੇ ਨਸ਼ੇ ਦੀ ਦਲਦਲ ਵਿੱਚ ਫੱਸਿਆ ਹੋਇਆ ਹੈ, ਪੰਜਾਬ ਉੱਤੇ ਮਾਫ਼ਿਆ ਦਾ ਕਬਜਾ ਹੈ, ਇਸਦੀ ਜ਼ਿੰਮੇਦਾਰ ਕਾਂਗਰਸੀ ਅਤੇ ਅਕਾਲੀ ਦਲ ਹੈ।
ਇਸਲਈ ਪੰਜਾਬ ਦੇ ਨੋਜਵਾਨ ਜੋ ਪੂਰੇ ਦੇਸ਼ ਦਾ ਢਿੱਡ ਭਰਦੇ ਸਨ, ਉਨ੍ਹਾਂ ਨੂੰ ਹੁਣ ਆਪਣੇ ਪਰਿਵਾਰ ਦਾ ਢਿੱਡ ਭਰਨ ਲਈ ਵਿਦੇਸ਼ ਦੀ ਧਰਤੀ ਉੱਤੇ ਕੰਮ ਕਰਣ ਲਈ ਜਾਣਾ ਪੈ ਰਿਹਾ ਹੈ ਅਤੇ ਜੋ ਪਹਿਲਾਂ ਪੰਜਾਬ ਮਜਬੂਤ ਪ੍ਰਦੇਸ਼ ਹੁੰਦਾ ਸੀ, ਉਹ ਅੱਜ ਮਜਬੂਰ ਪ੍ਰਦੇਸ਼ ਹੋ ਗਿਆ ਹੈ ਅਤੇ ਪੰਜਾਬ ਦਾ ਮਜਾਕ ਉਡਾਉਣ ਲਈ ਦਿੱਲੀ ਵਲੋਂ ਅਰਵਿੰਦ ਕੇਜਰੀਵਾਲ ਆਇਆ ਹੈ, ਜੋ ਕਿ ਇੱਕ ਬਰਸਾਤੀ ਡੱਡੂ ਹੈ ਜੋ ਸਿਰਫ ਇਲੈਕਸ਼ਨ ਦੇ ਦਿਨਾਂ ਵਿੱਚ ਨਜ਼ਰ ਆਉਂਦੇ ਹਨ। ਉਥੇ ਹੀ ਉਨ੍ਹਾਂ ਨੇ ਕਿਹਾ ਕਿ ਦੇਸ਼ ਦੇ ਪ੍ਰਧਾਨਮੰਤਰੀ ਨੇ ਜੋ ਲੋਕ ਦੇਸ਼ ਉੱਤੇ ਬੁਰੀ ਨਜ਼ਰ ਰੱਖਦੇ ਸਨ, ਉਨ੍ਹਾਂ ਨੂੰ ਮੂੰਹ ਤੋੜ੍ਹ ਜਵਾਬ ਦਿੱਤਾ ਹੈ, ਪਹਿਲਾਂ ਦੇਸ਼ ਵਿੱਚ ਰੋਜਾਨਾ ਆਂਤਕਵਾਦੀ ਘਟਨਾਵਾਂ ਹੁੰਦੀਆਂ ਸੀ, ਰੋਜਾਨਾ ਬਲਾਸਟ ਦੀਆਂ ਘਟਨਾਵਾਂ ਹੁੰਦੀਆਂ ਸੀ, ਲੇਕਿਨ ਦੇਸ਼ ਦੇ ਪ੍ਰਧਾਨਮੰਤਰੀ ਨਰੇਂਦਰ ਮੋਦੀ ਨੇ ਜਿਵੇਂ ਪੁਲਵਾਮਾ ਘਟਨਾ ਦਾ ਮੂੰਹ ਤੋੜ ਜਵਾਬ ਦਿੱਤਾ ਅਤੇ ਅੱਤਵਾਦ ਨੂੰ ਵੀ ਠੱਲ੍ਹ ਪਾਈ। ਭਾਰਤ ਦੇਸ਼ ਅੱਜ ਸ਼ਸ਼ਕਤ ਦੇਸ਼ ਹੈ, ਅਤੇ ਦੇਸ਼ ਦੀ ਆਰਮੀ ਨੂੰ ਅੱਜ ਖੁੱਲੀ ਛੁੱਟੀ ਹੈ ।