ਬ੍ਰਿਟੇਨ (ਦ ਸਟੈਲਰ ਨਿਊਜ਼), ਰਿਪੋਰਟ: ਜੋਤੀ ਗੰਗੜ੍ਹ। ਬ੍ਰਿਟੇਨ ਵਿੱਚ 100 ਕੰਪਨੀਆਂ ਨੇ ਆਪਣੇ ਕਰਮਚਾਰੀਆਂ ਨੂੰ ਇੱਕ ਵੱਡਾ ਤੋਹਫਾ ਦਿੱਤਾ ਹੈ। ਵਧਦੀ ਮਹਿੰਗਾਈ ਅਤੇ ਮੰਦੀ ਦੀ ਲਪੇਟ ‘ਚ ਆ ਰਹੀ ਬ੍ਰਿਟੇਨ ਦੀ ਅਰਥਵਿਵਸਥਾ ਨੂੰ ਵਾਪਸ ਲਿਆਉਣ ਲਈ ਯੂਨਾਈਟਿਡ ਕਿੰਗਡਮ ਦੀਆਂ 100 ਕੰਪਨੀਆਂ ਨੇ ਆਪਣੇ ਕਰਮਚਾਰੀਆਂ ਨੂੰ ਹਫਤੇ ਵਿੱਚ 4 ਦਿਨ ਕੰਮ ਕਰਨ ਅਤੇ 3 ਦਿਨ ਦੀ ਛੁੱਟੀ ਦੇਣ ਦਾ ਐਲਾਨ ਕੀਤਾ ਹੈ।
Advertisements
ਇਹਨਾਂ ਕੰਪਨੀਆਂ ਦਾ ਕਹਿਣਾ ਹੈ ਕਿ ਉਹ ਹਫਤੇ ਵਿੱਚ 4 ਦਿਨ ਕੰਮ ਕਰਕੇ ਦੇਸ਼ ਵਿੱਚ ਵੱਡਾ ਬਦਲਾਅ ਲਿਆਉਣ ਵਿੱਚ ਕਾਮਯਾਬ ਹੋਣਗੇ। ਇਨ੍ਹਾਂ 100 ਕੰਪਨੀਆਂ ਵਿੱਚ ਲਗਭਗ 2,600 ਕਰਮਚਾਰੀ ਕੰਮ ਕਰਦੇ ਹਨ। ਬ੍ਰਿਟੇਨ ਦੀਆਂ ਦੋ ਸਭ ਤੋਂ ਵੱਡੀਆਂ ਫਰਮਾਂ ਐਟਮ ਬੈਂਕ ਅਤੇ ਗਲੋਬਲ ਮਾਰਕੀਟਿੰਗ ਫਰਮ ਏਵਿਨ ਇਨ੍ਹਾਂ 100 ਕੰਪਨੀਆਂ ਵਿੱਚ 4 ਦਿਨ ਦੇ ਕੰਮਕਾਜੀ ਸੱਭਿਆਚਾਰ ਨੂੰ ਅਪਣਾਉਣ ਵਾਲੀਆਂ ਕੰਪਨੀਆਂ ਵਿੱਚ ਸ਼ਾਮਲ ਹਨ। ਇਨ੍ਹਾਂ ਦੋਵਾਂ ਕੰਪਨੀਆਂ ਦੇ ਯੂਕੇ ਵਿੱਚ ਲਗਭਗ 450 ਕਰਮਚਾਰੀ ਹਨ।
