ਰਾਜਸਥਾਨ (ਦ ਸਟੈਲਰ ਨਿਊਜ਼)। ਰਾਜਸਥਾਨ ਐਸ.ਓ.ਜੀ ਨੇ ਜੈਪੁਰ ਵਿੱਚ ਵੱਡੀ ਕਾਰਵਾਈ ਕਰਦੇ ਹੋਏ ਇੱਕ ਵੱਡੇ ਆਨਲਾਈਨ ਫਰਾਡ ਗਿਰੋਹ ਦਾ ਪਰਦਾਫਾਸ਼ ਕੀਤਾ ਹੈ। ਐਸਓਜੀ ਨੇ ਇਸ ਮਾਮਲੇ ਵਿੱਚ ਸੱਤ ਨੌਜਵਾਨਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਹ ਇੰਸਟਾਗ੍ਰਾਮ ਰਾਹੀਂ ਮੋਟੀ ਕਮਾਈ ਦੇ ਲਾਲਚ ਦੇ ਕੇ ਗਿਰੋਹ ਨੇ 1 ਕਰੋੜ ਤੋਂ ਵੱਧ ਦੀ ਠੱਗੀ ਮਾਰੀ। ਗਿਰੋਹ ਨੇ ਪੀੜਤ ਤੋਂ ਇਹ ਰਕਮ 31 ਵੱਖ-ਵੱਖ ਖਾਤਿਆਂ ਵਿੱਚ ਟਰਾਂਸਫਰ ਕਰਵਾਈ ਸੀ। ਪੁਲਿਸ ਇਸ ਨਾਲ ਜੁੜੇ ਠੱਗਾਂ ਤੋਂ ਪੁੱਛਗਿੱਛ ਕਰਨ ਵਿੱਚ ਲੱਗੀ ਹੋਈ ਹੈ।
ਪੁਲਿਸ ਨੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਇਹ ਗਿਰੋਹ ਇੰਸਟਾਗ੍ਰਾਮ ਦੀ ਵਰਤੋਂ ਠੱਗੀ ਦੇ ਸਾਧਨ ਵਜੋਂ ਕਰਦਾ ਸੀ। ਇਹ ਗਿਰੋਹ ਇੰਸਟਾਗ੍ਰਾਮ ਵੀਡੀਓਜ਼ ਨੂੰ ਪਸੰਦ ਕਰਨ ਦਾ ਬਹਾਨਾ ਬਣਾ ਕੇ ਠੱਗੀ ਮਾਰਦਾ ਹੈ। ਮੁਲਜ਼ਮਾਂ ਵਿੱਚੋਂ ਇੱਕ ਐਮਬੀਬੀਐਸ ਦਾ ਵਿਦਿਆਰਥੀ ਵੀ ਸ਼ਾਮਿਲ ਹੈ। ਬਾਕੀ ਮੁਲਜ਼ਮ ਬੀਏ, ਬੀਸੀਏ ਅਤੇ ਬੀ.ਕਾਮ ਡਿਗਰੀ ਧਾਰਕ ਹਨ। ਐਸਓਜੀ ਅਨੁਸਾਰ ਧੋਖਾਧੜੀ ਦਾ ਸ਼ਿਕਾਰ ਹੋਏ ਦੀਪਕ ਸ਼ਰਮਾ ਨੇ ਇਸ ਸਬੰਧੀ ਐਸਓਜੀ ਕੋਲ ਕੇਸ ਦਰਜ ਕਰਵਾਇਆ ਸੀ। ਉਸ ਨੇ ਦੱਸਿਆ ਕਿ ਉਸਨੂੰ ਵਟਸਐਪ ਤੇ ਇੱਕ ਮੈਸੇਜ ਆਇਆ ਸੀ, ਜਿਸ ਵਿੱਚ ਸੋਸ਼ਲ ਮੀਡੀਆ ਤੇ ਰੋਜ਼ਾਨਾ 3 ਤੋਂ 5 ਹਜ਼ਾਰ ਕਮਾਉਣ ਦੀ ਗੱਲ ਕਹੀ ਸੀ। ਇਸ ਦੇ ਨਾਲ ਹੀ ਟੈਲੀਗ੍ਰਾਮ ਤੇ ਇਕ ਗਰੁੱਪ ਨੂੰ ਜੁਆਇਨ ਕੀਤਾ।
ਐਸਓਜੀ ਦੀ ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਸਾਈਬਰ ਠੱਗ ਗਰੁੱਪ ਵਿੱਚ ਮੌਜੂਦ ਲੋਕਾਂ ਨੂੰ ਵੱਖ-ਵੱਖ ਕੰਮ ਦਿੰਦੇ ਸਨ, ਜਿਵੇਂ ਕਿ ਉਹਨਾਂ ਦੀ ਵੀਡੀਓ ਪੋਸਟ ਨੂੰ ਲਾਈਕ ਕਰਨਾ ਅਤੇ ਇੱਕ ਸਕ੍ਰੀਨ ਸ਼ਾਟ ਲੈਣਾ। ਇੱਕ ਲਾਈਕ ਲਈ 50 ਤੋਂ 100 ਰੁਪਏ ਦੇਣ ਦਾ ਲਾਲਚ ਦਿੱਤਾ ਸੀ। ਇਸ ਤੋਂ ਬਾਅਦ ਉਸ ਨੇ ਕਈ ਤਰ੍ਹਾਂ ਦੇ ਲਾਲਚ ਦੇ ਕੇ ਉਪਭੋਗਤਾ ਨਾਲ 1 ਕਰੋੜ ਰੁਪਏ ਦੀ ਠੱਗੀ ਮਾਰੀ। ਜ਼ਿਕਰਯੋਗ ਹੈ ਕਿ ਸਾਈਬਰ ਧੋਖਾਧੜੀ ਦੇ ਮਾਮਲੇ ਦਿਨੋਂ-ਦਿਨੀਂ ਵੱਧਦੇ ਜਾ ਰਹੇ ਹਨ।
