ਲੁਧਿਆਣਾ (ਦ ਸਟੈਲਰ ਨਿਊਜ਼)। ਹੁਸ਼ਿਆਰਪੁਰ ਦੇ ਰਹਿਣ ਵਾਲੇ ਜੋੜੇ ਤੋਂ ਮਾਡਲ ਟਾਊਨ ਸਥਿਤ ਇੱਕ ਆਫਿਸ ਦੀ ਕੰਸਲਟੈਂਟ ਨੇ ਯੂ.ਕੇ ਭੇਜਣ ਦਾ ਝਾਂਸਾ ਦੇ ਕੇ ਜੋੜੇ ਨਾਲ 15 ਲੱਖ ਦੀ ਠੱਗੀ ਕਰਨ ਦੀ ਖਬਰ ਸਾਹਮਣੇ ਆਈ ਹੈ।
ਜਾਣਕਾਰੀ ਦਿੰਦੇ ਨੀਰਜ ਨੇ ਦੱਸਿਆ ਕਿ ਵਿਦੇਸ਼ ਜਾਣ ਲਈ ਉਸਨੇ ਇੰਦਰਜੀਤ ਨਾਲ ਸੰਪਰਕ ਕੀਤਾ ਸੀ ਤੇ ਇੰਦਰਜੀਤ ਨੇ ਨੀਰਜ ਦੀ ਪਤਨੀ ਨੂੰ ਯੂ.ਕੇ ਭੇਜਣ ਲਈ ਕਰੀਬ 15 ਲੱਖ ਰੁਪਏ ਲੈ ਲਏ ਤੇ ਨਾ ਹੀ ਉਸਦੀ ਪਤਨੀ ਨੂੰ ਯੂ.ਕੇ ਭੇਜਿਆ ਤੇ ਨਾ ਹੀ ਨਕਦੀ ਵਾਪਸ ਮੋੜੀ। ਫਿਲਹਾਲ ਪੁਲਿਸ ਨੇ ਨੀਰਜ ਦੀ ਸ਼ਿਕਾਇਤ ਤੇ ਮਾਮਲਾ ਦਰਜ ਕਰ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।