ਹਾਜੀਪੁਰ (ਦ ਸਟੈਲਰ ਨਿਊਜ਼)। ਭਾਜਪਾ ਮੰਡਲ ਵੱਲੋਂ ਸੰਵਿਧਾਨ ਦਿਵਸ ਦੇ ਮੌਕੇ ਤੇ ਰਾਸ਼ਟਰ ਸੰਵਿਧਾਨ ਨਿਰਮਾਤਾ ਸਾਹਿਬ ਡਾਕਟਰ ਭੀਮਰਾਉ ਅੰਬੇਦਕਰ ਜੀ ਨੂੰ ਯਾਦ ਕੀਤਾ ਗਿਆ ਅਤੇ ਉਹਨਾਂ ਨੂੰ ਸ਼ਰਧਾਂਜਲੀ ਦਿੱਤੀ ਗਈ । ਭਾਜਪਾ ਮੰਡਲ ਪ੍ਰਧਾਨ ਅਨਿਲ ਵਸ਼ਿਸ਼ਟ ਨੇ ਪੱਤਰਕਾਰਾਂ ਨਾਲ ਗੱਲ-ਬਾਤ ਕਰਦੇ ਕਿਹਾ ਕਿ 26 ਨਵੰਬਰ 1949 ਨੂੰ ਅੋਪਚਾਰਕ ਰੂਪ ਵਿੱਚ ਸੰਵਿਧਾਨ ਨੂੰ ਅਪਣਾਇਆ ਸੀ ਅਤੇ ਇਸਨੂੰ ਲਾਗੁ 26 ਜਨਵਰੀ 1950 ਵਿੱਚ ਕੀਤਾ ਗਿਆ ।
ਉਹਨਾਂ ਨੇ ਕਿਹਾ ਕਿ ਮੋਦੀ ਸਰਕਾਰ ਨੇ ਸੰਵਿਧਾਨ ਦਿਵਸ ਨੂੰ ਮਨਾਉਣ ਦਾ ਫੈਸਲਾ ਇਸ ਉਦੇਸ਼ ਨਾਲ ਕੀਤਾ ਕਿਉਂਕਿ ਭਾਰਤ ਦਾ ਨੌਜਵਾਨ ਇਸ ਇਤਿਹਾਸਿਕ ਦਿਨ ਪ੍ਰਤੀ ਜਾਣੂ ਹੋਵੇ । ਇਸ ਸਮੇਂ ਭਾਜਪਾ ਮੰਡਲ ਮਹਾਂਮੰਤਰੀ ਸੁਬੇਦਾਰ ਰਣਜੀਤ ਸਿੰਘ , ਠਾਕੁਰ ਕਰਣ ਸਿੰਘ , ਸ਼ਹਿਰੀ ਪ੍ਰਧਾਨ ਸੁਰਿੰਦਰ ਮੋਹਣ ਬਜਾਜ , ਉਪ ਪ੍ਰਧਾਨ ਵਿਕਰਮ ਸਿੰਘ , ਸੁਭਾਸ਼ ਚੌਧਰੀ ਹੰਦਵਾਲ , ਯੁਵਾ ਨੇਤਾ ਗੋਬਿੰਦ ਰਾਏ ਗੋਲਡੀ , ਰਾਹੁਲ ਰਾਏ , ਸਤਵਿੰਦਰ ਸਿੰਘ , ਤਰੁਣ ਠਾਕੁਰ, ਵਿਕਾਸ ਚੌਧਰੀ , ਮਨਜੀਤ ਗਰੇਵਾਲ਼ , ਲਾਖਨ ਸਿੰਘ , ਸਾਬਕਾ ਪੰਚ ਪ੍ਰੇਮਨਾਥ ਸ਼ਾਮਿਲ ਸਨ।
