ਰਾਜਸਥਾਨ (ਦ ਸਟੈਲਰ ਨਿਊਜ਼), ਪਲਕ। ਉਦੈਪੁਰ ਵਿੱਚ ਇੱਕ ਦਰਦਨਾਕ ਹਾਦਸਾ ਵਾਪਰਨ ਦੀ ਖਬਰ ਮਿਲੀ ਹੈ। ਜਿੱਥੇ ਕਿ ਤੇਜ਼ ਰਫ਼ਤਾਰ ਜੀਪ ਬੇਕਾਬੂ ਹੋ ਕੇ ਪਲਟ ਗਈ। ਇਸ ਹਾਦਸੇ ਵਿਚ ਤਿੰਨ ਨੌਜਵਾਨਾਂ ਦੀ ਮੌਕੇ ਤੇ ਹੀ ਮੌਤ ਹੋ ਗਈ। ਜਦਕਿ ਦੋ ਨੌਜਵਾਨ ਗੰਭੀਰ ਜ਼ਖ਼ਮੀ ਹੋ ਗਏ। ਇਹ ਹਾਦਸਾ ਗੋਗੁੰਡਾ-ਪਿੰਡਵਾੜਾ ਹਾਈਵੇਅ ਤੇ ਖੋਖਰਿਆਲ ਸੁਰੰਗ ਨੇੜੇ ਵਾਪਰਿਆ ਹੈ। ਜੀਪ ਵਿੱਚ ਸਵਾਰ ਪੰਜ ਦੋਸਤ ਗੋਗੁੰਡਾ ਤੋਂ ਆਪਣੇ ਪਿੰਡ ਦੇਵਲਾ ਜਾ ਰਹੇ ਸਨ।
ਇਸ ਦੌਰਾਨ ਜੀਪ ਦਾ ਡਰਾਈਵਰ ਖੋਖਰੀਆ ਡਰੇਨ ਸੁਰੰਗ ਦੇ ਬਾਹਰ ਬੇਕਾਬੂ ਹੋ ਗਿਆ ਸੜਕ ਤੇ ਪਲਟ ਗਈ। ਹਾਦਸੇ ਵਿੱਚ ਦੇਵਲਾ ਇਲਾਕੇ ਦੇ ਰਹਿਣ ਵਾਲੇ 3 ਨੌਜਵਾਨਾਂ ਦੀ ਮੌਕੇ ਤੇ ਹੀ ਦਰਦਨਾਕ ਮੌਤ ਹੋ ਗਈ ਤੇ ਦੋ ਨੌਜਵਾਨਾਂ ਨੇ ਹਸਪਤਾਲ ਵਿੱਚ ਦਮ ਤੋੜ ਦਿੱਤਾ। ਦੱਸਿਆ ਜਾ ਰਿਹਾ ਹੈ ਕਿ ਸਾਰਿਆਂ ਦੀ ਸ਼ਰਾਬ ਪੀਤੀ ਹੋਈ ਸੀ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਕੋਟੜਾ ਦੇ ਡੀਐੱਸਪੀ ਰਾਮੇਸ਼ਵਰ ਲਾਲ, ਗੋਗੁੰਡਾ ਥਾਣੇ ਦੇ ਅਧਿਕਾਰੀ ਸ਼ੈਤਾਨ ਸਿੰਘ ਨਥਾਵਤ ਅਤੇ ਬੇਕਰੀਆ ਥਾਣੇ ਦੇ ਅਧਿਕਾਰੀ ਮੌਕੇ ਤੇ ਪਹੁੰਚੇ। ਪੁਲਿਸ ਨੇ ਲਾਸ਼ਾਂ ਨੂੰ ਕਬਜ਼ੇ ਵਿੱਚ ਲੈ ਕੇ ਹਸਪਤਾਲ ਦੀ ਮੋਰਚਰੀ ਵਿੱਚ ਰਖਵਾ ਦਿੱਤਾ ਹੈ।