ਦਿੱਲੀ (ਦ ਸਟੈਲਰ ਨਿਊਜ਼)। ਕੈਨੇਡਾ ਵਿੱਚ ਜੰਗਲੀ ਅੱਗ ਬੁਝਾ ਰਿਹਾ ਹਵਾਈ ਜਹਾਜ਼ ਡਿੱਗਣ ਨਾਲ ਪਾਇਲਟ ਸਮੇਤ ਤਿੰਨਾਂ ਵਿਅਕਤੀਆਂ ਦੀ ਮੌਤ ਹੋ ਗਈ। ਬਫਲੋ ਏਅਰਵੇਜ਼ ਕੰਪਨੀ ਦਾ ਟਰਬੋ ਕਮਾਂਡਰ 690 ਜਹਾਜ ਫੋਰਟ ਸਿੰਪਸਨ ਤੋਂ 50 ਕਿਲੋਮੀਟਰ ਦੂਰ ਯੈਲੋਨਾਈਫ ਦੇ ਪੱਛਮੀ ਪਾਸੇ ਮਾਰਟਿਨ ਹਿੱਲ ਜੰਗਲੀ ਖੇਤਰ ਵਿੱਚ ਡਿੱਗਾ।
Advertisements
ਉਥੋਂ ਦੇ ਅੱਗ ਬੁਝਾਊ ਦਸਤੇ ਵਲੋਂ ਦੱਸਿਆ ਗਿਆ ਕਿ ਮੰਗਲਵਾਰ ਸ਼ਾਮ ਨੂੰ ਜੰਗਲ ਦੇ ਕੁਝ ਖੇਤਰ ਵਿੱਚ ਅੱਗ ਭੜਕ ਰਹੀ ਸੀ, ਜਿਸ ਨੂੰ ਬੁਝਾਉਣ ਲਈ ਉਕਤ ਜਹਾਜ ਸੇਵਾਵਾਂ ਨਿਭਾ ਰਿਹਾ ਸੀ। ਟਰਾਂਸਪੋਰਟ ਕੈਨੇਡਾ, ਟਰਾਂਸਪੋਰਟ ਸੇਫਟੀ ਬੋਰਡ ਅਤੇ ਪੁਲੀਸ ਵਲੋਂ ਦੁਰਘਟਨਾ ਦੇ ਕਾਰਣਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਮਾਰੇ ਗਏ ਵਿਅਕਤੀਆਂ ਦੀਆਂ ਲਾਸ਼ਾਂ ਦਾ ਵੀ ਪਤਾ ਲਾਇਆ ਜਾ ਰਿਹਾ ਹੈ।
