ਨਾਗਾਲੈਂਡ (ਦ ਸਟੈਲਰ ਨਿਊਜ਼)। ਨਾਗਾਲੈਂਡ ਦੇ ਦੀਮਾਪੁਰ ਵਿੱਚ ਇੱਕ ਘਟਨਾ ਵਾਪਰਨ ਦੀ ਖ਼ਬਰ ਮਿਲੀ ਹੈ। ਜਿੱਥੇ ਪਹਾੜ ਤੋਂ ਚਟਾਨ ਦਾ ਵੱਡਾ ਹਿੱਸਾ ਸੜਕ ਤੇ ਖੜ੍ਹੀਆਂ ਗੱਡੀਆਂ ਤੇ ਡਿੱਗ ਪਿਆ। ਇਸ ਹਾਦਸੇ ਵਿੱਚ ਤਿੰਨ ਕਾਰਾਂ ਦਾ ਨੁਕਸਾਨ ਹੋ ਗਿਆ, ਜਿਸ ਵਿੱਚ 2 ਲੋਕਾਂ ਦੀ ਮੌਤ ਹੋ ਗਈ ਅਤੇ ਤਿੰਨ ਹੋਰ ਲੋਕ ਗੰਭੀਰ ਜ਼ਖ਼ਮੀ ਹੋ ਗਏ। ਇਸ ਘਟਨਾ ਦੀ ਵੀਡੀਓ ਵੀ ਕਾਫੀ ਵਾਇਰਲ ਹੋ ਰਿਹਾ ਹੈ।
ਵੀਡੀਓ ਵਿੱਚ ਵੇਖਿਆ ਜਾਂਦਾ ਹੈ ਕਿ ਪਹਿਲੀ ਕਾਰ ਨੂੰ ਨੁਕਸਾਨ ਪਹੁੰਚਾਉਣ ਤੋਂ ਬਾਅਦ ਚਟਾਨ ਦਾ ਇਹ ਹਿੱਸਾ ਅੱਗੇ ਖੜ੍ਹੀ ਇੱਕ ਹੋਰ ਕਾਰ ਨਾਲ ਵੀ ਟਕਰਾ ਜਾਂਦਾ ਹੈ। ਦੂਸਰੀ ਕਾਰ ਵੀ ਚਟਾਨ ਦੀ ਲਪੇਟ ਵਿੱਚ ਆ ਕੇ ਟੇਢੀ ਹੋ ਗਈ। ਜਿਸ ਕਾਰਨ ਦੂਜੇ ਕਾਰ ਵਿੱਚ ਬੈਠੇ ਲੋਕ ਵੀ ਜ਼ਖ਼ਮੀ ਹੋ ਗਏ।