ਚੰਡੀਗੜ੍ਹ (ਦ ਸਟੈਲਰ ਨਿਊਜ਼)। ਇਨਫੋਰਸਮੈਂਟ ਡਾਇਰੈਕਟੋਰੇਟ ਈਡੀ ਨੇ ਮਨੀ ਲਾਂਡਰਿੰਗ ਮਾਮਲਿਆਂ ਵਿੱਚ ਲਾਟਰੀ ਕਿੰਗ ਸੈਂਟੀਆਗੋ ਮਾਰਟਿਨ ਵਿਰੁੱਧ ਕਾਰਵਾਈ ਕੀਤੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਈਡੀ ਨੇ ਮਾਰਟਿਨ ਤੇ ਉਸਦੀ ਕੰਪਨੀ ਮੈਸਰਜ਼ ਫਿਊਚਰ ਗੇਮਿੰਗ ਐਂਡ ਹੋਟਲ ਸਰਵਿਸਿਜ਼ ਪ੍ਰਾਈਵੇਟ ਲਿਮਟਿਡ ਨਾਲ ਜੁੜੇ ਵੱਖ-ਵੱਖ ਰਾਜਾਂ ਵਿੱਚ 22 ਸਥਾਨਾਂ ਤੇ ਛਾਪੇਮਾਰੀ ਕੀਤੀ। ਈਡੀ ਨੇ 12.41 ਕਰੋੜ ਦੀ ਨਕਦੀ ਤੇ 6.42 ਕਰੋੜ ਦੀ ਐੱਫਡੀਆਰ ਜ਼ਬਤ ਕੀਤੀ ਹੈ। ਈਡੀ ਨੇ ਤਾਮਿਲਨਾਡੂ, ਪੱਛਮੀ ਬੰਗਾਲ, ਕਰਨਾਟਕ, ਉੱਤਰ ਪ੍ਰਦੇਸ਼, ਮੇਘਾਲਿਆ ਤੇ ਪੰਜਾਬ ਵਿੱਚ ਉਸਦੇ ਟਿਕਾਣਿਆਂ ਤੋਂ ਕਈ ਅਪਰਾਧਿਕ ਦਸਤਾਵੇਜ਼, ਡਿਜੀਟਲ ਉਪਕਰਣ ਵੀ ਬਰਾਮਦ ਕੀਤੇ ਹਨ। ਲਾਟਰੀ ਧੋਖਾਧੜੀ ਤੇ ਗੈਰ-ਕਾਨੂੰਨੀ ਵਿਕਰੀ ਦੇ ਮਾਮਲਿਆਂ ਵਿੱਚ ਮਾਰਟਿਨ ਦੇ ਖਿਲਾਫ ਕਈ ਐਫਆਈਆਰ ਦਰਜ ਕੀਤੀਆਂ ਗਈਆਂ ਹਨ। 15 ਨਵੰਬਰ ਨੂੰ ਈਡੀ ਨੇ ਚੇਨਈ ਸਥਿਤ ਮਾਰਟਿਨ ਦੇ ਕਾਰਪੋਰੇਟ ਦਫ਼ਤਰ ਤੋਂ 8.8 ਕਰੋੜ ਤੇ ਕੋਲਕਾਤਾ ਤੋਂ 3 ਕਰੋੜ ਤੋਂ ਵੱਧ ਦੀ ਨਕਦੀ ਜ਼ਬਤ ਕੀਤੀ ਸੀ। ਜਾਣਕਾਰੀ ਮੁਤਾਬਕ ਈਡੀ ਨੂੰ ਲਾਟਰੀ ਕਿੰਗ ਦੇ ਖਿਲਾਫ ਕਾਰਵਾਈ ਕਰਨ ਦੀ ਇਜਾਜ਼ਤ ਦਿੱਤੀ ਸੀ।
ਪਿਛਲੇ ਸਾਲ, ਈਡੀ ਨੇ ਕੇਰਲ ਵਿੱਚ ਲਾਟਰੀ ਦੀ ਵਿਕਰੀ ਵਿੱਚ ਧੋਖਾਧੜੀ ਕਰਕੇ ਸਿੱਕਮ ਸਰਕਾਰ ਨੂੰ 900 ਕਰੋੜ ਤੋਂ ਵੱਧ ਦਾ ਨੁਕਸਾਨ ਪਹੁੰਚਾਉਣ ਦੇ ਇੱਕ ਮਾਮਲੇ ਵਿੱਚ ਮਾਰਟਿਨ ਦੀ ਲਗਭਗ 457 ਕਰੋੜ ਦੀ ਜਾਇਦਾਦ ਕੁਰਕ ਕੀਤੀ ਸੀ। ਮਾਰਟਿਨ ਦੀ ਕੰਪਨੀ ਫਿਊਚਰ ਗੇਮਿੰਗ ਸਲਿਊਸ਼ਨਜ਼ ਇੰਡੀਆ ਪ੍ਰਾਈਵੇਟ ਸਿੱਕਮ ਲਾਟਰੀਆਂ ਦਾ ਪ੍ਰਮੁੱਖ ਵਿਤਰਕ ਹੈ। ED 2019 ਤੋਂ ਤਾਮਿਲਨਾਡੂ ਵਿੱਚ ਇਸ ਲਾਟਰੀ ਕਿੰਗ ਦੇ ਖਿਲਾਫ ਜਾਂਚ ਕਰ ਰਹੀ ਹੈ। 2019 ਤੇ 2024 ਦਰਮਿਆਨ ਰਾਜਨੀਤਿਕ ਪਾਰਟੀਆਂ ਨੂੰ ਦਾਨ ਦੇਣ ਲਈ 1,300 ਕਰੋੜ ਤੋਂ ਵੱਧ ਦੇ ਚੋਣ ਬਾਂਡ ਦੀ ਸਭ ਤੋਂ ਵੱਡੀ ਖਰੀਦਦਾਰ ਸੀ। ਮਾਰਟਿਨ ਇੱਕ ਵਾਰ ਇੱਕ ਆਮ ਮਜ਼ਦੂਰ ਵਜੋਂ ਕੰਮ ਕਰਦਾ ਸੀ। 13 ਸਾਲ ਦੀ ਉਮਰ ਵਿੱਚ, ਉਸਨੇ ਲਾਟਰੀ ਦੇ ਕਾਰੋਬਾਰ ਵਿੱਚ ਦਾਖਲਾ ਲਿਆ ਤੇ ਇੱਕ ਸਾਮਰਾਜ ਬਣਾਇਆ। ਉਸਦਾ ਕਾਰੋਬਾਰ ਜ਼ਿਆਦਾਤਰ ਲਾਟਰੀ ਨਾਲ ਸਬੰਧਤ ਸੀ। ਉਹ ਮਾਰਟਿਨ ਗਰੁੱਪ ਆਫ਼ ਕੰਪਨੀਜ਼ ਦੇ ਸੰਸਥਾਪਕ ਤੇ ਚੇਅਰਮੈਨ ਹਨ।
