ਕਪੂਰਥਲਾ (ਦ ਸਟੈਲਰ ਨਿਊਜ਼), ਗੌਰਵ ਮੜੀਆ। ਸਬਜੀ ਆੜ੍ਹਤੀ ਐਸੋਸਿਏਸ਼ਨ ਕਪੂਰਥਲਾ ਨੇ ਵਪਾਰ ਮੰਡਲ ਕਪੂਰਥਲਾ ਦੀ ਨਵੀਂ ਟੀਮ ਦੀ ਨਿਯੁਕਤੀ ਦਾ ਸਵਾਗਤ ਕੀਤਾ ਹੈ। ਐਸੋਸਿਏਸ਼ਨ ਦੇ ਪ੍ਰਧਾਨ ਦੀਪਕ ਮਦਾਨ ਨੇ ਕਿਹਾ ਕਿ ਵਪਾਰ ਮੰਡਲ ਕਪੂਰਥਲਾ ਦੇ ਪ੍ਰਧਾਨ ਯਸ਼ ਮਹਾਜਨ, ਲੰਬੇ ਸਮੇਂ ਤੋਂ ਸੇਵਾ ਨਿਭਾਅ ਰਹੇ ਹਨ, ਉਨ੍ਹਾਂ ਨੇ ਸਮੂਹ ਵਪਾਰੀਆਂ ਦੀ ਸਲਾਹ ਨਾਲ ਚੇਤਨ ਸੂਰੀ ਨੂੰ ਜਿਲ੍ਹਾ ਚੇਅਰਮੈਨ ਅਤੇ ਵਿਕਰਮ ਅਰੋੜਾ ਨੂੰ ਸ਼ਹਿਰੀ ਪ੍ਰਧਾਨ ਨਿਯੁਕਤ ਕਰਕੇ ਵਪਾਰ ਮੰਡਲ ਨੂੰ ਹੋਰ ਮਜਬੂਤ ਕੀਤਾ ਹੈ।
Advertisements
ਉਨ੍ਹਾਂ ਕਿਹਾ ਕਿ ਦੋਵੇਂ ਵਪਾਰੀ ਆਗੂ ਹੋਰਨਾਂ ਸੰਸਥਾਵਾਂ ਵਿੱਚ ਵੀ ਬੜੀ ਮਿਹਨਤ ਨਾਲ ਕੰਮ ਕਰ ਰਹੇ ਹਨ ਅਤੇ ਵਪਾਰੀਆਂ ਨਾਲ ਹਰ ਵੇਲੇ ਸਾਥ ਦਿੰਦੇ ਹਨ।ਇਸ ਦੇ ਨਾਲ ਹੀ ਜਗਦੀਸ਼ ਸ਼ਰਮਾ, ਗਰੀਸ਼ ਭਸੀਨ ਅਤੇ ਸਤੀਸ਼ ਮਹਾਜਨ ਵੀ ਸ਼ਹਿਰ ਦੇ ਪ੍ਰਮੁੱਖ ਵਿਅਕਤੀ ਹਨ।ਉਨ੍ਹਾਂ ਕਿਹਾ ਕਿ ਸਬਜੀ ਆੜ੍ਹਤੀ ਐਸੋਸਿਏਸ਼ਨ ਪੂਰੀ ਤਰ੍ਹਾਂ ਨਾਲ ਵਪਾਰ ਮੰਡਲ ਦੇ ਨਾਲ ਹੈ ਅਤੇ ਨਵੀਂ ਟੀਮ ਦੀ ਨਿਯੁਕਤੀ ਦਾ ਦਿਲੋਂ ਸਵਾਗਤ ਕਰਦੀ ਹੈ।
