ਪਠਾਨਕੋਟ (ਦ ਸਟੈਲਰ ਨਿਊਜ਼)। ਜਿਲਾ ਪਠਾਨਕੋਟ ਵਿੱਚ ਇਹ ਦੇਖਣ ਵਿੱਚ ਆ ਰਿਹਾ ਹੈ ਕਿ ਕਰੋਨਾ ਵਾਇਰਸ (ਕੋਵਿਡ-19) ਦੇ ਚਲਦਿਆਂ ਜਿਲਾ ਪ੍ਰਸਾਸਨ ਅਤੇ ਪੁਲਿਸ ਪ੍ਰਸਾਸਨ ਵੱਲੋਂ ਜੋ ਕਾਰਵਾਈ ਕੀਤੀ ਜਾ ਰਹੀ ਹੈ ਕੁੱਝ ਲੋਕ ਜਿਨਾਂ ਦਾ ਇਸ ਕਾਰਵਾਈ ਨਾਲ ਕੋਈ ਸਬੰਧ ਨਹੀਂ ਹੁੰਦਾ, ਇਹ ਲੋਕ ਮੋਬਾਇਲ ਫੋਨਾਂ ਤੇ ਵੀਡਿਓ ਬਣਾ ਕੇ ਵੱਟਸਐਪ, ਫੇਸ ਬੁੱਕ ਆਦਿ ਤੇ ਅਪਲੋਡ ਕਰਦੇ ਹਨ। ਜਿਸ ਨਾਲ ਚੰਗੀ ਸਥਿਤੀ ਦੀ ਮਾੜੀ ਤਸਵੀਰ ਲੋਕਾਂ ਦੇ ਮਨਾਂ ਅੰਦਰ ਬਣ ਜਾਂਦੀ ਹੈ। ਜਦਕਿ ਅਜਿਹਾ ਕੂਝ ਵੀ ਨਹੀਂ ਹੁੰਦਾ। ਇਹ ਪ੍ਰਗਟਾਵਾ ਗੁਰਪ੍ਰੀਤ ਸਿੰਘ ਖਹਿਰਾ ਡਿਪਟੀ ਕਮਿਸ਼ਨਰ ਪਠਾਨਕੋਟ ਨੇ ਕੀਤਾ।
ਜਾਣਕਾਰੀ ਦਿੰਦਿਆਂ ਡਿਪਟੀ ਕਮਿਸ਼ਨਰ ਨੇ ਦੱਸਿਆ ਕਿ ਨੋਜਵਾਨ ਜੋ ਅਜਿਹਾ ਕਾਰਜ ਕਰਦੇ ਹਨ ਉਹ ਇਸ ਘੜੀ ਵਿੱਚ ਦੂਸਰਿਆਂ ਦੀ ਮਦਦ ਨਾ ਕਰਕੇ ਹੋਰ ਸਥਿਤੀ ਨੂੰ ਖਰਾਬ ਕਰ ਰਹੇ ਹਨ। ਉਹਨਾਂ ਕਿਹਾ ਕਿ ਜਦੋਂ ਵੀ ਮੈਡੀਕਲ ਟੀਮ ਕਿਸੇ ਵੀ ਤਰਾਂ ਦੀ ਜਾਣਕਾਰੀ ਮਿਲਣ ਜਾਂ ਸੱਕੀ ਵਿਅਕਤੀ ਬਾਰੇ ਜਾਣਕਾਰੀ ਮਿਲਣ ਤੇ ਕੋਰਿਨਟਾਈਨ ਆਦਿ ਕਰਨ ਪਹੁੰਚਦੀ ਹੈ ਤਾਂ ਦੇਖਣ ਵਿੱਚ ਆਇਆ ਹੈ ਕਿ ਕੂਝ ਨੋਜਵਾਨ ਇਸ ਕਾਰਜ ਕਰਨ ਦੀ ਸਾਰੀ ਪ੍ਰਣਾਲੀ ਨੂੰ ਮੋਬਾਇਲਾਂ ਤੇ ਵੀਡਿਓ ਬਣਾ ਤੇ ਤਰਾਂ-ਤਰਾਂ ਦੀਆਂ ਸੋਸਲ ਸਾਇਟਾਂ ਤੇ ਅੱਪਲੋਡ ਕਰ ਦਿੰਦੇ ਹਨ।
ਉਹਨਾਂ ਕਿਹਾ ਕਿ ਅਜਿਹੇ ਨੋਜਵਾਨ ਪ੍ਰਸਾਸਨ ਦੇ ਕੀਤੇ ਜਾ ਰਹੇ ਕਾਰਜਾਂ ਨੂੰ ਇੱਕ ਤਮਾਸਾ ਬਣਾ ਕੇ ਪੇਸ ਕਰਦੇ ਹਨ ਅਜਿਹਾ ਕਰਨਾ ਬਿਲਕੁਲ ਗਲਤ ਹੈ। ਉਹਨਾਂ ਕਿਹਾ ਕਿ ਇਸ ਮੁਸਕਿਲ ਘੜੀ ਵਿੱਚ ਇੱਕ ਦੂਸਰੇ ਦਾ ਸਹਾਰਾ ਬਣਨਾ ਚਾਹੀਦਾ ਹੈ। ਉਹਨਾਂ ਕਿਹਾ ਕਿ ਸਾਡਾ ਸਾਰਿਆਂ ਦਾ ਫਰਜ ਬਣਦਾ ਹੈ ਕਿ ਅਸੀਂ ਇੱਕ ਦੂਸਰੇ ਦਾ ਸਾਥ ਦਈਏ।