ਹੁਸ਼ਿਆਰਪੁਰ(ਦ ਸਟੈਲਰ ਨਿਊਜ਼): ਪਹਿਲਵਾਨ ਨਰਿੰਦਰ ਚੀਮਾ ਇਜ਼ਿਪਟ ਵਿਖੇ ਸੀਨੀਅਰ ਵਰਲਡ ਰੈੰਕਿੰਗ ਕੁਸ਼ਤੀ ਚੈਂਪੀਨਸ਼ਿਪ ਲਈ ਰਵਾਨਾ ਹੋਇਆ। ਅੱਜ ਜਾਰੀ ਇੱਕ ਪ੍ਰੈਸ ਨੋਟ ਵਿਚ ਹੁਸ਼ਿਆਰਪੁਰ ਕੁਸ਼ਤੀ ਐਸੋਸਿਏਸ਼ਨ ਦੇ ਪ੍ਰਧਾਨ ਹਰਜੀਤ ਸਿੰਘ ਮਠਾਰੂ ਨੇ ਇੱਕ ਪ੍ਰੈਸ ਨੋਟ ਜਾਰੀ ਕਰਕੇ ਜਾਣਕਾਰੀ ਦਿੱਤੀ ਕਿਹਾ ਕਿ ਪਹਿਲਵਾਨ ਨਰਿੰਦਰ ਚੀਮਾ ਜੋ ਕਿ ਪਿਛਲੇ ਦਿਨੀ ਵਿਸ਼ਾਪਟਨਮ ਵਿਖੇ ਹੋਈ ਸੀਨੀਅਰ ਰੇਸਲਿੰਗ ਨੈਸ਼ਨਲ ਚੈਂਪੀਅਨਸ਼ਿਪ ਵਿਚ ਦੂਜੇ ਨੰਬਰ ਤੇ ਆਏ ਸਨ।
ਓਹਨਾ ਨੂੰ ਪਹਿਲੇ ਨੰਬਰ ਤੇ ਆਉਣ ਵਾਲੇ ਪਹਿਲਵਾਨ ਨੂੰ ਡੋਪ ਟੈਸਟ ਵਿਚ ਆਯੋਗ ਕਰਾਰ ਹੋਣ ਕਰਕੇ ਨਰਿੰਦਰ ਚੀਮਾ ਨੂੰ ਪਹਿਲੇ ਨੰਬਰ ਤੇ ਜੇਤੂ ਘੋਸ਼ਿਤ ਕੀਤਾ ਗਿਆ ਹੈ ਅਤੇ ਹੁਣ ਨਰਿੰਦਰ ਚੀਮਾ ਭਾਰਤ ਦੀ ਅਗਵਾਈ ਕਰਦਾ ਹੋਇਆ ਇਜ਼ਿਪਟ ਵਿਖੇ 23 ਫਰਵਰੀ ਤੋਂ ਸ਼ੁਰੂ ਹੋਣ ਵਾਲੀ ਇਸ ਵਿੱਚ ਸੀਨਅਰ ਵਰਲਡ ਰੈੰਕਿੰਗ ਚੈਂਪੀਅਨਸ਼ਿਪ ਵਿਚ ਹਿੱਸਾ ਲੈਣ ਜਾ ਰਿਹਾ ਹੈ। ਮਠਾਰੂ ਨੇ ਕਿਹਾ ਕੇ ਸਾਨੂੰ ਪੂਰੀ ਉਮੀਦ ਹੈ ਕਿ ਸਾਡਾ ਪਹਿਲਵਾਨ ਨਰਿੰਦਰ ਚੀਮਾ ਵਧੀਆ ਪ੍ਰਦਰਸ਼ਨ ਕਰਕੇ ਸਾਡਾ ਤੇ ਸਾਡੇ ਜਿਲੇ ਦਾ ਮਾਣ ਵਧਾਏਗਾ ਅਤੇ ਪੂਰੀ ਦੁਨੀਆ ਦੇ ਵਿਚ ਭਾਰਤ ਦੇਸ਼ ਦੀ ਭਲਵਾਨੀ ਦਾ ਲੋਹਾ ਮਾਨਵਾਏਗਾ।