ਕਪੂਰਥਲਾ (ਦ ਸਟੈਲਰ ਨਿਊਜ਼): ਗੌਰਵ ਮੜੀਆ: ਮਾਨਯੋਗ ਕਮਿਸ਼ਨਰ ਨਗਰ ਨਿਗਮ ਕਪੂਰਥਲਾ ਅਨੁਪਮ ਕਲੇਰ ਦੇ ਆਦੇਸ਼ਾ ਅਨੁਸਾਰ ਮਿਤੀ- 24/02/2023 ਨੂੰ ਪ੍ਰਾਪਰਟੀ ਟੈਕਸ ਵਸੂਲਣ ਹਿੱਤ ਜਲੰਧਰ ਰੋਡ, ਇੰਡਸਟਰੀਅਲ ਏਰਿਆ,ਕਾਲਾ ਸੰਘਿਆ ਰੋਡ ਅਤੇ ਸੁਲਤਾਨਪੁਰ ਰੋਡ ਵਿੱਚ ਵੱਖ-ਵੱਖ ਪ੍ਰਾਪਰਟੀਆ ਨੂੰ 112 ਏ ਦੇ ਨੋਟਿਸ ਜਾਰੀ ਕੀਤੇ ਗਏ ਅਤੇ ਇਸ ਤੋਂ ਇਲਾਵਾ ਹਾਊਸ ਟੈਕਸ ਦੇ ਨੋਟਿਸ ਵੀ ਜਾਰੀ ਕੀਤੇ ਗਏ ਜਿਹਨਾ ਤੋ ਲੱਗਭਗ 52.80 ਲੱਖ ਰੁਪੱਏ ਟੈਕਸ ਪ੍ਰਾਪਤ ਹੋਣ ਦੀ ਸੰਭਾਵਨਾ ਹੈ। ਨੋਟਿਸ ਜਾਰੀ ਕਰਨ ਦੇ ਨਾਲ-ਨਾਲ ਪ੍ਰਾਪਰਟੀ ਟੈਕਸ ਦੇ ਮਾਲਕਾ ਨੂੰ ਅਪੀਲ ਕੀਤੀ ਗਈ ਹੈ ਕਿ ਆਪਣਾ ਬਣਦਾ ਪ੍ਰਾਪਰਟੀ ਟੈਕਸ ਅਤੇ ਹਾਊਸ ਟੈਕਸ ਜਲਦ ਤੋ ਜਲਦ ਜਮਾਂ ਕਰਵਾਇਆ ਜਾਵੇ।
ਜਿਵੇਂ ਕਿ 31 ਮਾਰਚ ਆਖ਼ਰੀ ਤਾਰੀਖ ਹੈ ਇਸ ਲਈ ਸ਼ਹਿਰਵਾਸੀਆਂ ਨੂੰ ਅਪੀਲ ਕੀਤੀ ਜਾਂਦੀ ਹੈ ਕਿ ਆਪ ਆਪਣਾ ਬਨਦਾ ਪ੍ਰੋਪਰਟੀ ਟੈਕਸ ਅਤੇ ਹਾਊਸ ਟੈਕਸ ਨਗਰ ਨਿਗਮ ਦੇ ਦਫਤਰ ਵਿਖੇ ਜਮਾਂ ਕਰਵਾਓ ਤਾ ਕਿ ਵਾਧੂ ਅਦਾਯਗੀ ਤੋਂ ਬਚਿਆ ਜਾ ਸਕੇ ।ਜਿਹਨਾ ਉਪਭੋਗਤਾਵਾ ਵੱਲੋ ਪ੍ਰਾਪਰਟੀ ਟੈਕਸ ਅਤੇ ਹਾਊਸ ਟੈਕਸ ਜਮਾਂ ਨਹੀ ਕਰਵਾਇਆ ਜਾਦਾ ਤਾਂ ਉਹਨਾ ਖਿਲਾਫ PMC ACT 1976 ਦੀ ਧਾਰਾ 138 C ਅਧੀਨ ਪ੍ਰਾਪਰਟੀ ਨੂੰ ਸੀਲ ਕਰਨ ਦੀ ਕਾਰਵਾਈ ਆਰੰਭੀ ਜਾਵੇਗੀ।
