ਦੇਹਰਾਦੂਨ (ਦ ਸਟੈਲਰ ਨਿਊਜ਼)। 106 ਸਾਲਾਂ ਬਜ਼ੁਰਗ ਮਹਿਲਾ ਦੌੜਾਕ ਰਾਮਬਾਈ ਨੇ ਐਥਲੈਟਿਕਸ ਵਿੱਚ ਹਿੱਸਾ ਲਿਆ ਅਤੇ ਪਿਛਲੇ ਸਾਲ 85 ਤੋਂ ਉੱਪਰ ਵਰਗ ਵਿੱਚ 100 ਮੀਟਰ ਦੌੜ ਵਿੱਚ ਵਿਸ਼ਵ ਰਿਕਾਰਡ ਬਣਾਇਆ। ਇਸ ਵਾਰ ਉਨ੍ਹਾਂ ਨੇ ਤਿੰਨ ਤਗਮੇ ਜਿੱਤ ਕੇ ਆਪਣੀ ਪ੍ਰਾਪਤੀ ਵਿੱਚ ਵਾਧਾ ਕੀਤਾ।
ਦੇਹਰਾਦੂਨ ਵਿਖੇ ਹੋਈ 18ਵੀਂ ਨੈਸ਼ਨਲ ਓਪਨ ਅਥਲੈਟਿਕਸ ਚੈਂਪੀਅਨਸ਼ਿਪ ਵਿੱਚ ਕ੍ਰਮਵਾਰ 100 ਮੀਟਰ ਸਪ੍ਰਿੰਟ, 200 ਮੀਟਰ ਸਪ੍ਰਿੰਟ ਅਤੇ ਸ਼ਾਟ ਪੁਟ ਵਿੱਚ ਇੱਕ-ਇੱਕ ਸੋਨ ਤਗਮਾ ਪ੍ਰਾਪਤ ਕੀਤਾ ਹੈ। ਬਜ਼ੁਰਗ ਮਹਿਲਾ ਦੌੜਾਕ ਹਰਿਆਣਾ ਦੇ ਚਰਖੀ ਦਾਦਰੀ ਜ਼ਿਲ੍ਹੇ ਦੇ ਪਿੰਡ ਕਾਦਮਾ ਦੀ ਰਹਿਣ ਵਾਲੀ ਹੈ।