ਬ੍ਰਾਜ਼ੀਲ (ਦ ਸਟੈਲਰ ਨਿਊਜ਼), ਪਲਕ। ਬ੍ਰਾਜ਼ੀਲ ਤੋਂ ਇੱਕ ਖਬਰ ਮਿਲੀ ਹੈ ਜਿੱਥੇ ਕਿ ਫੁੱਟਬਾਲ ਟੀਮ ਕੋਰਿੰਥੀਅਨਜ਼ ਦੇ ਪ੍ਰਸ਼ੰਸਕਾਂ ਨੂੰ ਲੈ ਕੇ ਜਾ ਰਹੀ ਬੱਸ ਬੇਲੋ ਹੋਰੀਜ਼ੋਂਟੇ ਸ਼ਹਿਰ ਵਿੱਚ ਮੈਚ ਤੋਂ ਬਾਅਦ ਹਾਦਸਾਗ੍ਰਸਤ ਹੋ ਗਈ। ਜਾਣਕਾਰੀ ਮੁਤਾਬਕ ਇਸ ਹਾਦਸੇ ਵਿੱਚ ਕਰੀਬ 7 ਲੋਕਾਂ ਦੀ ਮੌਤ ਹੋ ਗਈ ਅਤੇ 36 ਹੋਰ ਜ਼ਖ਼ਮੀ ਹੋ ਗਏ।
ਮਾਰੇ ਗਏ ਲੋਕ ਕੋਰਿੰਥੀਆਂ ਦੇ ਸਮਰਥਕ ਕਲੱਬ ਗੈਵੀਓਸ ਦਾ ਫੀਲ ਦੇ ਮੈਂਬਰ ਸਨ। ਯਾਤਰੀਆਂ ਨੇ ਸਥਾਨਕ ਮੀਡੀਆ ਨੂੰ ਦੱਸਿਆ ਕਿ ਬੱਸ ਇਕ ਹੋਰ ਬੱਸ ਨਾਲ ਆਹਮੋ-ਸਾਹਮਣੇ ਦੀ ਟੱਕਰ ਤੋਂ ਬੱਚਣ ਦੀ ਕੋਸ਼ਿਸ਼ ਵਿੱਚ ਕੰਟਰੋਲ ਗੁਆ ਬੈਠੀ ਅਤੇ ਪਲਟ ਗਈ। ਕੋਰਿੰਥੀਅਨਜ਼ ਨੇ ਇੱਕ ਬਿਆਨ ਵਿੱ ਕਿਹਾ ਕਿ ਇਹ ਪੀੜਤ ਪਰਿਵਾਰਾਂ ਨੂੰ ਸਹਾਇਤਾ ਪ੍ਰਦਾਨ ਕਰੇਗਾ।