ਫਿਰੋਜਪੁਰ (ਦ ਸਟੈਲਰ ਨਿਊਜ਼)। ਸੋਮਵਾਰ ਨੂੰ ਫਿਰੋਜ਼ਪੁਰ ਦੀ ਪੌਸ਼ ਕਾਲੋਨੀ ਰੋਜ਼ ਐਵੇਨਿਊ ਚ ਪਿਸਤੌਲ ਨਾਲ ਖੇਡ ਰਿਹਾ ਬੱਚਾ ਗੰਭੀਰ ਜਖਮੀ ਹੋ ਗਿਆ ਸੀ, ਜਿਸਨੇ ਇਲਾਜ ਦੌਰਾਨ ਦਮ ਤੋੜ ਦਿਤਾ। ਜਾਣਕਾਰੀ ਅਨੁਸਾਰ 14 ਸਾਲਾਂ ਬੱਚਾ ਕਰੀਵਾਤ ਮਲਹੋਤਰਾ ਜਦੋ ਸਕੂਲ ਤੋਂ ਘਰ ਆਇਆ ਤਾਂ ਉਹ ਕਪੱੜੇ ਬਦਲਣ ਲਈ ਅਲਮਾਰੀ ਚੋ ਆਪਣੇ ਕੱਪੜੇ ਲੈਣ ਗਿਆ।
Advertisements
ਇਸ ਦੌਰਾਨ ਉਸਨੇ ਸਾਹਮਣੇ ਪਿਸਤੌਲ ਪਈ ਵੇਖੀ ਅਤੇ ਉਸ ਨਾਲ ਖੇਡਣ ਲੱਗ ਪਿਆ। ਖੇਡਦੇ-ਖੇਡਦੇ ਗੋਲੀ ਚੱਲ ਪਈ ਤੇ ਉਸਦੇ ਸਿਰ ਤੇ ਲੱਗ ਗਈ। ਜਿਸ ਕਾਰਣ ਬੱਚਾ ਗੰਭੀਰ ਜ਼ਖਮੀ ਹੋ ਗਿਆ। ਉਸ ਨੂੰ ਨਿੱਜੀ ਹਸਪਤਾਲ ਲਿਜਾਇਆ ਗਿਆ। ਜਿਥੇ ਮੁੱਢਲੇ ਇਲਾਜ ਤੋ ਬਾਅਦ ਉਸ ਨੂੰ ਡੀ.ਐਮ.ਸੀ. ਲੁਧਿਆਣਾ ਵਿੱਖੇ ਰੈਫਰ ਕੀਤਾ ਗਿਆ। ਡਾਕਟਰਾਂ ਨੇ ਬੱਚੇ ਦਾ ਅਪ੍ਰਸ਼ਨ ਕਰਕੇ ਜਾਨ ਬਚਾਣ ਦੀ ਕੌਸ਼ਿਸ਼ ਕੀਤੀ, ਪਰ ਉਹ ਅਸਫਲ ਰਹੇ। ਜਿਸ ਕਰਕੇ ਬੱਚੇ ਦੀ ਰਾਤ ਨੂੰ ਮੌਤ ਹੋ ਗਈ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
