ਕਪੂਰਥਲਾ (ਦ ਸਟੈਲਰ ਨਿਊਜ਼),ਰਿਪੋਰਟ-ਗੌਰਵ ਮੜੀਆ। ਐਸ ਸੀ ਮੋਰਚਾ ਭਾਜਪਾ ਪੰਜਾਬ ਦਾ ਤੀਜੀ ਵਾਰ ਨਿਰਮਲ ਨਾਹਰ ਨੂੰ ਸੂਬਾ ਉਪ ਪ੍ਰਧਾਨ ਨਿਯੁਕਤ ਕਰਨ ਤੇ ਨਿਰਮਲ ਨਾਹਰ ਨੇ ਪਾਰਟੀ ਹਾਈਕਮਾਨ ਅਤੇ ਭਾਰਤੀ ਜਨਤਾ ਪਾਰਟੀ ਦੇ ਪੰਜਾਬ ਪ੍ਰਧਾਨ ਸੁਨੀਲ ਜਾਖੜ, ਸੰਗਠਨ ਮੰਤਰੀ ਨੀਵਾਸਲੂ, ਭਾਜਪਾ ਐਸ ਸੀ ਮੋਰਚਾ ਪੰਜਾਬ ਪ੍ਰਧਾਨ ਐਸ ਆਰ ਲੱਧੜ ਦਾ ਧੰਨਵਾਦ ਕੀਤਾ। ਨਾਹਰ ਨੇ ਕਿਹਾ ਕਿ ਮੈਂ ਸਮੁੱਚੀ ਲੀਡਰਸ਼ਿਪ ਦਾ ਤਹਿ ਦਿਲੋਂ ਧੰਨਵਾਦੀ ਹਾਂ। ਜਿਹਨਾਂ ਨੇ ਮੇਰੀ ਸੇਵਾਵਾਂ ਵੇਖਦੇ ਹੋਏ ਲਗਾਤਾਰ ਤੀਜੀ ਵਾਰ ਮੋਰਚੇ ਦਾ ਸੁਬ੍ਹਾ ਉਪ ਪ੍ਰਧਾਨ ਬਣਾਕੇ ਮਾਨ ਬਖਸ਼ਿਆ ਹੈ।
ਜਿਕਰਯੋਗ ਹੈ ਕਿ ਕਪੂਰਥਲਾ ਦੇ ਵਾਸੀ ਨਿਰਮਲ ਨਾਹਰ ਭਾਜਪਾ ਦੇ ਇਕ ਮੇਹਨਤੀ ਅਤੇ ਜੁਝਾਰੂ ਆਗੂ ਹਨ ਪਿਛਲੇ ਤੀਂਹ ਵਰ੍ਹਿਆਂ ਤੋਂ ਨਿਰਮਲ ਨਾਹਰ ਪਾਰਟੀ ਦੀ ਵਿਚਾਰਧਾਰਾ ਨੂੰ ਦੇਸ਼ ਦੀ ਗਲੀ ਗਲੀ ਅਤੇ ਪਿੰਡ ਪਿੰਡ ਪਹੁੰਚਾ ਰਹੇ ਹਨ ਪਾਰਟੀ ਪ੍ਰਤੀ ਓਹਨਾ ਦੀ ਦਿਨ ਰਾਤ ਦੀ ਹਢ਼ ਤੋੜ੍ਹਵੀ ਮੇਹਨਤ ਦੇਖਦਿਆਂ ਹੀ ਪਾਰਟੀ ਹਾਈਕਮਾਨ ਨੇ ਲਗਾਤਾਰ ਤੀਜੀ ਵਾਰ ਭਾਜਪਾ ਐਸ ਸੀ ਮੋਰਚਾ ਪੰਜਾਬ ਦਾ ਉਪ ਪ੍ਰਧਾਨ ਦਾ ਅਹੁਦਾ ਦੇਕੇ ਨਿਰਮਲ ਨਾਹਰ ਨੂੰ ਮਾਨ ਬਖਸ਼ਿਆ ਹੈ। ਇਸ ਖਬਰ ਨਾਲ ਕਪੂਰਥਲਾ ਵਾਸੀਆਂ ਚ ਖੁਸ਼ੀ ਦੀ ਲਹਿਰ ਹੈ।
