ਫਾਜਿ਼ਲਕਾ (ਦ ਸਟੈਲਰ ਨਿਊਜ਼)। ਸਪੋਰਟ ਅਥਾਰਟੀ ਆਫ ਇੰਡੀਆ ਵੱਲੋਂ ਕਰਵਾਈਆਂ ਜਾ ਰਹੀਆਂ ਖੇਲੋ ਇੰਡੀਆ ਨੈਸ਼ਨਲ ਪੈਰਾ ਗੇਮਜ 2023 ਵਿਚ ਫਾਜਿ਼ਲਕਾ ਜਿ਼ਲ੍ਹੇ ਦੇ ਦੋ ਖਿਡਾਰੀਆਂ ਦੀ ਚੋਣ ਹੋਈ ਹੈ। ਇਹ ਖੇਡਾਂ 10 ਤੋਂ 17 ਦੰਸਬਰ 2023 ਤੱਕ ਨਵੀਂ ਦਿੱਲੀ ਵਿਖੇ ਹੋ ਰਹੀਆਂ ਹਨ।
ਇੰਨ੍ਹਾਂ ਵਿਚ ਫਾਜਿ਼ਲਕਾ ਜਿ਼ਲ੍ਹੇ ਦੇ ਪਿੰਡ ਤੇਲੂ ਪੁਰਾ ਤੋਂ ਵੀਲ੍ਹ ਚੇਅਰ ਤੇ ਬੈਡਮਿੰਟਨ ਖੇਡਣ ਵਾਲੇ ਸੰਜੀਵ ਕੁਮਾਰ ਦੀ ਚੋਣ ਹੋਈ ਹੈ। ਇਸ ਸ਼ੇ੍ਰਣੀ ਵਿਚ ਉਹ ਜਿ਼ਲ੍ਹੇ ਦਾ ਇਕਲੋਤਾ ਖਿਡਾਰੀ ਹੈ ਜਿਸ ਦੀ ਚੋਣ ਹੋਈ ਹੈ ਜਦ ਕਿ ਪੰਜਾਬ ਤੋਂ ਕੁੱਲ ਚਾਰ ਖਿਡਾਰੀ ਇਸ ਖੇਡ ਮੁਕਾਬਲੇ ਵਿਚ ਵਿਚ ਭਾਗ ਲੈਣਗੇ।
ਸੰਜੀਵ ਕੁਮਾਰ ਅੰਤਰ ਰਾਸ਼ਟਰੀ ਮੁਕਾਬਲਿਆਂ ਵਿਚ 5 ਗੋਲਡ, 4 ਸਿਲਵਰ ਅਤੇ 10 ਕਾਂਸੇ ਦੇ ਮੈਡਲ ਹਨ ਜਦ ਕਿ ਨੈਸ਼ਨਲ ਮੁਕਾਬਲਿਆਂ ਵਿਚ ਉਸਦੇ 19 ਗੋਲਡ, 7 ਸਿਲਵਰ ਅਤੇ 5 ਕਾਂਸੇ ਦੇ ਮੈਡਲ ਜਿੱਤ ਚੁੱਕਿਆ ਹੈ। ਇਸੇ ਤਰਾਂ ਐਥਲੈਟਿਕਸ ਵਿਚ ਪ੍ਰਵੀਨ ਕੁਮਾਰ ਨੇ ਦੇ ਇਕ ਹੋਰ ਖਿਡਾਰੀ ਦੀ ਵੀ ਫਾਜਿ਼ਲਕਾ ਤੋਂ ਚੋਣ ਹੋਈ ਹੈ। ਜਿ਼ਲ੍ਹੇ ਦੇ ਡਿਪਟੀ ਕਮਿਸ਼ਨਰ ਡਾ: ਸੇਨੂ ਦੁੱਗਲ ਨੇ ਇੰਨ੍ਹਾਂ ਖਿਡਾਰੀਆਂ ਨੂੰ ਸੁਭਕਾਮਨਾਵਾਂ ਦਿੱਤੀਆਂ ਹਨ ਜੋ ਕਿ ਇੰਨ੍ਹਾਂ ਖੇਡਾਂ ਵਿਚ ਜਿ਼ਲ੍ਹੇ ਦੀ ਨੁੰਮਾਇੰਦਗੀ ਕਰਣਗੇ।
