ਹੁਸ਼ਿਆਰਪੁਰ (ਦ ਸਟੈਲਰ ਨਿਊਜ਼)। ਹੁਸ਼ਿਆਰਪੁਰ ਦੇ ਨਾਲ ਲੱਗਦੇ ਥਾਣਾ ਬੁੱਲੋਵਾਲ ਅਧੀਨ ਆਉਦੇ ਪਿੰਡ ਸ਼ਾਮ ਚੌਰਾਸੀ ਦਾ ਇੱਕ ਸ਼ਰਮਨਾਕ ਮਾਮਲਾ ਸਾਹਮਣੇ ਆਇਆ ਹੈ। ਮਿਲੀ ਜਾਣਕਾਰੀ ਦੇ ਅਨੁਸਾਰ, ਇੱਕ ਸਕੂਲ ਅਧਿਆਪਕ ਤੇ ਲੜਕੀਆ ਨਾਲ ਜ਼ਬਰ-ਜ਼ਿਨਾਹ ਕਰਨ ਤੇ ਆਰੋਪ ਲਗਾਏ ਗਏ ਹਨ। ਅਧਿਆਪਕ ਵੱਲੋ ਨਸ਼ੇ ਦੀ ਹਾਲਤ ਵਿੱਚ ਆਪਣੀ ਸਕੂਲ ਦੀਆ ਵਿਦਿਆਰਥਣਾਂ ਨਾਲ ਅਸ਼ਲੀਲ ਹਰਕਤਾਂ ਕੀਤੀਆ ਗਈਆ। ਪਿੰਡ ਵਾਸੀਆ ਨੇ ਅਧਿਆਪਕ ਖਿਲਾਫ ਜੰਮ ਕੇ ਵਿਰੋਧ ਕੀਤਾ ਪਰ ਪਿੰਡ ਵਾਸੀਆ ਵੱਲੋ ਸਕੂਲ ਪਹੁੰਚਣ ਤੋ ਪਹਿਲਾ ਹੀ ਮੁਲਜ਼ਮ ਅਧਿਆਪਕ ਫਰਾਰ ਹੋ ਗਿਆ।
ਪਿੰਡ ਵਾਸੀਆ ਦਾ ਕਹਿਣਾ ਹੈ ਕਿ ਅਧਿਆਪਕ ਵੱਲੋ ਪਹਿਲਾ ਵੀ ਲ਼ੜਕੀਆ ਨਾਲ ਅਸ਼ਲੀਲ ਹਰਕਤਾਂ ਕੀਤੀਆ ਗਈਆ ਸਨ ਪਰ ਉਹਨਾਂ ਵੱਲੋ ਸ਼ਿਕਾਇਤ ਕਰਨ ਤੇ ਉਸਨੂੰ ਬਰਖਾਸਤ ਨਹੀਂ ਕੀਤਾ ਗਿਆ। ਪਿੰਡ ਵਾਸੀਆ ਵੱਲੋ ਸਕੂਲ ਖਿਲਾਫ ਵੀ ਜੰਮ ਕੇ ਨਾਅਰੇਬਾਜ਼ੀ ਕੀਤੀ ਗਈ। ਪੁਲਿਸ ਨੇ ਮੁਲਜ਼ਮ ਅਧਿਆਪਕ ਨੂੰ ਹਿਰਾਸਤ ਵਿੱਚ ਲੈ ਕੇ ਅਗਲੀ ਕਾਰਵਾਈ ਸੁਰੂ ਕਰ ਦਿੱਤੀ ਹੈ।