ਆਨੰਦਪੁਰ ਸਾਹਿਬ (ਦ ਸਟੈਲਰ ਨਿਊਜ਼), ਜੋਤੀ ਗੰਗੜ੍ਹ। ਹੋਲੇ-ਮੁਹੱਲੇ ਦੋਰਾਨ ਇੱਕ ਐਨਆਰਆਈ ਪ੍ਰਦੀਪ ਸਿੰਘ ਦਾ ਕਤਲ ਕਰ ਦਿੱਤਾ ਗਿਆ ਸੀ। ਜਿਸਦੋ ਬਾਅਦ ਅੱਜ ਉਹਨਾਂ ਦਾ ਜੱਦੀ ਪਿੰਡ ਪੂਰੇ ਰਸਮ-ਰਿਵਾਜ਼ਾ ਨਾਲ ਅੰਤਿਮ ਸੰਸਕਾਰ ਕੀਤਾ ਗਿਆ ਪਰ ਇਸ ਕਤਲਕਾਂਡ ਨੂੰ ਲੈ ਕੇ ਇੱਕ ਨਵਾਂ ਮੌੜ ਆਇਆ ਹੈ। ਇਸ ਮਾਮਲੇ ਵਿੱਚ ਦੋਸ਼ੀ ਪਾਏ ਗਏ ਮੁਲਜ਼ਮ ਦਾ ਪਰਿਵਾਰ ਮੀਡੀਆ ਸਾਹਮਣੇ ਆਇਆ ਹੈ। ਇਸ ਦੋਰਾਨ ਮੁਲਜ਼ਮ ਸਤਬੀਰ ਦੀ ਪਤਨੀ ਨੇ ਦੱਸਿਆ ਕਿ ਉਸਦੇ ਪਤੀ ਸਤਬੀਰ ਨੂੰ ਬੇਵਜਾਂ ਫਸਾਇਆ ਜਾ ਰਿਹਾ ਹੈ।
ਉਹਨਾਂ ਕਿਹਾ ਕਿ ਪ੍ਰਦੀਪ ਤੇ ਉਸਦੇ ਪਤੀ ਨੇ ਨਹੀਂ ਸਗੋਂ ਪ੍ਰਦੀਪ ਸਿੰਘ ਨੇ ਹਮਲਾ ਕੀਤਾ ਸੀ ਅਤੇ ਉਸਨੇ ਪਹਿਲਾ ਤਲਵਾਰ ਨਾਲ ਉਸਦੀ ਬਾਹ ਵੱਢ ਦਿੱਤੀ ਅਤੇ ਫਿਰ ਉਸਦੀ ਦੂਜਾ ਹੱਥ ਵੀ ਵੱਢ ਦਿੱਤਾ ਗਿਆ। ਪਤਨੀ ਨੇ ਕਿਹਾ ਕਿ ਜੇਕਰ ਸਤਬੀਰ ਦਾ ਹੱਥ ਅਤੇ ਬਾਹ ਹੀ ਵੱਢ ਦਿੱਤੀ ਗਈ ਸੀ ਤਾਂ ਉਹ ਪ੍ਰਦੀਪ ਤੇ ਕਿਵੇਂ ਹਮਲਾ ਕਰ ਸਕਦਾ ਸੀ। ਉਹਨਾਂ ਕਿਹਾ ਕਿ ਪੁਲਿਸ ਨੇ ਬਿਨਾਂ ਜਾਂਚ ਤੇ ਉਸਦੇ ਪਤੀ ਨੂੰ ਮੁਲਜ਼ਮ ਬਣਾਇਆ ਜੋ ਕਿ ਬਿਲਕੁੱਲ ਹੀ ਬੇਕਸੂਰ ਹੈ। ਪਤਨੀ ਨੇ ਸਰਕਾਰ ਨੂੰ ਮੰਗ ਕੀਤੀ ਕਿ ਇਸ ਮਾਮਲੇ ਵਿੱਚ ਪੂਰੀ ਡੂੰਘਾਈ ਦੇ ਨਾਲ ਜਾਂਚ ਕੀਤੀ ਜਾਵੇ ਅਤੇ ਇੱਕ ਮਾਮਲੇ ਦਾ ਹੀ ਪੱਖ ਨਾ ਜਾਂਣਿਆ ਜਾਵੇ।
