ਜਲੰਧਰ (ਦ ਸਟਰੈਲਰ ਨਿਊਜ਼), ਰਿਪੋਰਟ ਪੰਕਜ। ਜਲੰਧਰ ਦੇ ਬਸਤੀ ਇਲਾਕੇ ਦੇ ਮੁਹੱਲੇ ਚਿਆਮ ਵਿੱਚ ਦੇਰ ਰਾਤ ਲੋਕਾਂ ਨੇ ਇੱਕ ਚੋਰ ਨੂੰ ਐਕਟਿਵਾ ਚੋਰੀ ਕਰਦੇ ਹੋਏ ਰੰਗੇ ਹੱਥੀਂ ਫੜ ਲਿਆ। ਜਾਣਕਾਰੀ ਮੁਤਾਬਕ ਬਸਤੀ ਸ਼ੇਖ ਦੇ ਮੁਹੱਲਾ ਚਿਆਮ ਦੇ ਰਹਿਣ ਵਾਲੇ ਹਰਵਿੰਦਰ ਸਿੰਘ ਨੇ ਦੱਸਿਆ ਕਿ ਉਹ ਹਰ ਰੋਜ਼ ਆਪਣੀ ਸਕੂਟਰੀ ਇੱਥੇ ਹੀ ਖੜ੍ਹੀ ਕਰਦਾ ਸੀ ਤੇ ਘਟਨਾ ਦੇ ਸਮੇ ਵੀ ਉਸਨੇ ਆਪਣੀ ਸਕੂਟਰੀ ਮੁਹੱਲੇ ਵਿੱਚ ਖੜ੍ਹੀ ਕੀਤੀ ਸੀ, ਤਾਂ ਇਸ ਦੌਰਾਨ ਉਸਨੇ ਦੇਖਿਆ ਕਿ ਇੱਕ ਨੌਜ਼ਵਾਨ ਉਸਦੀ ਸਕੂਟਰੀ ਨਾਲ ਛੇੜਛਾੜ ਕਰ ਰਿਹਾ ਸੀ।
ਉਸਨੇ ਨੌਜ਼ਵਾਨ ਨੂੰ ਕੁੱਝ ਨਾ ਕਿਹਾ ਅਤੇ ਚੋਰੀ ਚੋਰੀ ਦੇਖਣ ਲੱਗ ਗਿਆ ਤੇ ਹਰਵਿੰਦਰ ਨੇ ਸੁਸਾਇਟੀ ਦੇ ਲੋਕਾਂ ਨੂੰ ਇੱਕਠਾ ਕਰ ਲਿਆ।ਚੋਰ ਸਕੂਟਰੀ ਦਾ ਤਾਲਾ ਤੋੜ ਕੇ ਜਾਣ ਹੀ ਲੱਗਾ ਸੀ ਤਾਂ ਲੋਕਾਂ ਨੇ ਉਸਨੂੰ ਫੜ ਲਿਆ ਤੇ ਉਸਦੀ ਕੁੱਟਮਾਰ ਕੀਤੀ। ਮੁਲਜ਼ਮ ਦੇ ਨਾਲ ਦੇ 2 ਹੋਰ ਸਾਥੀ ਜੋ ਕਿ ਮੌਕੇ ਤੇ ਫਰਾਰ ਹੋ ਗਏ।ਮੁੱਹਲੇ ਦੇ ਲੋਕਾਂ ਨੇ ਪੁਲਿਸ ਨੂੰ ਸਾਰੀ ਸੂਚਨਾ ਦਿੱਤੀ। ਪੁਲਿਸ ਨੇ ਮੌਕੇ ਤੇ ਪਹੁੰਚ ਕੇ ਮਾਮਲਾ ਦਰਜ ਕਰ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।