ਹੋਸ਼ਿਆਰਪੁਰ (ਦ ਸਟੈਲਰ ਨਿਊਜ਼)। ਥਾਣਾ ਹਰਿਆਣਾ ਦੇ ਅਧੀਨ ਪੈਂਦੇ ਪੰਚਾਇਤ ਕੰਗਮਾਈ ਦੀ ਪੰਚਾਇਤ ਦੀ ਜਮੀਨ ਦੇ ਵਿੱਚ ਡੰਪ ਕੀਤੀ ਹੋਈ ਗੰਨੇ ਦੀ ਖੋਰੀ ਦੀਆਂ ਗੰਢਾਂ ਨੂੰ ਅਚਾਨਕ ਅੱਗ ਪੈਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ ਜਿਸ ਵਿੱਚ ਭਾਰੀ ਨੁਕਸਾਨ ਦੱਸਿਆ ਜਾ ਰਿਹਾ ਹੈ ਇਸ ਸੰਬੰਧ ਵਿੱਚ ਜਾਣਕਾਰੀ ਦਿੰਦੇ ਹੋਏ ਕੰਗਮਾਈ ਦੇ ਸਰਪੰਚ ਪਿਆਰਾ ਸਿੰਘ ਨੇ ਦੱਸਿਆ ਕਿ ਉਕਤ ਕਰੀਬ ਪੋਣੇ 2 ਏਕੜ ਜਗ੍ਹਾ ਰਾਣਾ ਐਂਟਰਪ੍ਰਾਈਜਜ ਨੂੰ ਠੇਕੇ ਤੇ ਦਿੱਤੀ ਹੋਈ ਦਿੱਤੀ ਹੋਈ ਸੀ, ਜਿੱਥੇ ਉਹਨਾਂ ਵੱਲੋਂ ਗੰਨੇ ਦੀ ਖੋਰੀ ਦੀਆਂ ਗੰਢਾਂ ਡੰਪ ਕੀਤੀਆਂ ਗਈਆਂ ਸਨ।
ਅੱਜ ਦੇਰ ਸ਼ਾਮ ਉਹਨਾਂ ਨੂੰ ਫੋਨ ਤੇ ਜਾਣਕਾਰੀ ਮਿਲੀ ਕਿ ਉਕਤ ਗੰਡਾਂ ਵਿੱਚੋਂ ਕੁਝ ਧੂਆ ਨਿਕਲ ਰਿਹਾ ਹੈ ਜਦੋਂ ਮੌਕੇ ਤੇ ਪਹੁੰਚੇ ਉਦੋਂ ਤੱਕ ਉਹਨਾਂ ਗੰਡਾਂ ਵਿੱਚੋਂ ਨਿਕਲ ਰਹੇ ਧੂਏ ਨੇ ਅੱਗ ਦਾ ਰੂਪ ਧਾਰਨ ਕਰ ਲਿਆ ਸੀ। ਉਨ੍ਹਾਂ ਨੇ ਦਸਿਆ ਕਿ ਅੱਗ ਲੱਗਣ ਦੀ ਜਾਣਕਾਰੀ ਥਾਣਾ ਹਰਿਆਣਾ ਅਤੇ ਫਾਇਰ ਬ੍ਰਗੇਡ ਨੂੰ ਦਿੱਤੀ ਗਈ। ਬਾਬਾ ਦੀਪ ਸਿੰਘ ਸੇਵਾ ਦਲ ਵੱਲੋਂ ਸੂਚਨਾ ਮਿਲਣ ਤੇ ਤੁਰੰਤ ਅੱਗ ਤੇ ਕਾਬੂ ਪਾਉਣ ਲਈ ਕੰਮ ਸ਼ੁਰੂ ਕਰ ਦਿੱਤਾ ਗਿਆ, ਪਰ ਫਾਇਰ ਬ੍ਰਗੇਡ ਕਾਫੀ ਸਮੇਂ ਬਾਅਦ ਪਹੁੰਚੀ। ਕਰੀਬ 2 ਘੰਟੇ ਦੀ ਕੜੀ ਮਿਹਨਤ ਤੋਂ ਬਾਅਦ ਅੱਗ ਤੇ ਕਾਬੂ ਪਾਇਆ ਗਿਆ। ਪ੍ਰੰਤੂ, ਅੱਗ ਦੇ ਤਾਂਡਵ ਨਾਲ ਭਾਰੀ ਨੁਕਸਾਨ ਦਸਿਆ ਜਾ ਰਿਹਾ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਰਜੀਵ ਰਾਣਾ ਅਤੇ ਕੁਲਦੀਪ ਉਕਤ ਫਰਮ ਰਾਣਾ ਐਂਟਰਪ੍ਰਾਈਜਜ ਦੇ ਮਾਲਕ ਹਨ ਅਤੇ ਪਿੰਡ ਫਾਬੜੇ ਦੇ ਰਹਿਣ ਵਾਲੇ ਹਨ ਜੋ ਕਿ ਮੌਕੇ ਤੇ ਕਿਤੇ ਗਏ ਹੋਏ ਸਨ ਉਨ੍ਹਾਂ ਨੂੰ ਉਕਤ ਘਟਨਾ ਦੀ ਸੂਚਨਾ ਦੇ ਦਿੱਤੀ ਗਈ ਹੈ।ਅੱਗ ਲੱਗਣ ਦੇ ਕਾਰਣ ਬਾਰੇ ਹਜੇ ਕੁੱਜ ਪਤਾ ਨਹੀਂ ਲੱਗਾ ਹੈ।
