ਹੁਸ਼ਿਆਰਪੁਰ (ਦ ਸਟੈਲਰ ਨਿਊਜ਼), ਰਿਪੋਰਟ: ਜੋਤੀ ਗੰਗੜ੍ਹ। ਜ਼ਿਲਾ ਹੁਸ਼ਿਆਰਪੁਰ ਦੇ ਨਾਲ ਪੈਂਦੇ ਮਾਹਿਲਪੁਰ ਦੇ ਪਿੰਡ ਚੰਦੇਲੀ ਵਿੱਚ ਪੰਜ ਸਾਲ ਪਹਿਲਾ ਪੜਾਈ ਦੇ ਲਈ ਕੈਨੇਡਾ ਵਿੱਚ ਗਏ 28 ਸਾਲਾ ਲੜਕੇ ਮੋਹਿਤ ਸ਼ਰਮਾ ਦੀ ਲੁੱਟ ਦੀ ਨੀਅਤ ਨਾਲ ਹੱਤਿਆ ਕਰ ਦਿੱਤੀ ਗਈ। ਲੁਟੇਰੇ ਜਾਂਦੇ ਹੋਏ ਉਸਦੇ ਸਾਰੇ ਗਹਿਣੇ, ਮੋਬਾਇਲ ਫੋਨ, ਪਰਸ, ਏਟੀਐਮ ਅਤੇ ਪੈਸੇ ਲੈ ਕੇ ਫਰਾਰ ਹੋ ਗਏ।
ਪੀੜਿਤ ਪਰਿਵਾਰ ਨੇ ਕੇਂਦਰੀ ਮੰਤਰੀ ਸੋਮ ਪ੍ਰਕਾਸ਼ ਨੂੰ ਇਨਸਾਫ ਦੀ ਗੁਹਾਰ ਲਗਾਈ ਹੈ ਅਤੇ ਉਹਨਾਂ ਦੇ ਪੁੱਤਰ ਦੇ ਦੋਸ਼ੀਆ ਨੂੰ ਸਜ਼ਾ ਦਵਾਉਣ ਦੀ ਵੀ ਮੰਗ ਕੀਤੀ ਹੈ। ਦੱਸ ਦਈਏ ਕਿ ਮੋਹਿਤ ਪਰਿਵਾਰ ਦਾ ਇਕਲੌਤਾ ਪੁੁੱਤਰ ਸੀ। ਲੜਕੇ ਦੇ ਪਿਤਾ ਨੇ ਦੱਸਿਆ ਕਿ ਪੰਜ ਸਾਲ ਪਹਿਲਾ ਉਹਨਾਂ ਦਾ ਬੇਟਾ ਪੜਾਈ ਲਈ ਗਿਆ ਸੀ ਉਥੇ ਹੋ ਪੱਕਾ ਹੋ ਗਿਆ। ਦੋ ਦਿਨ ਪਹਿਲਾ ਮੋਹਿਤ ਦਾ ਚਚੇਰਾ ਭਰਾ ਵੀ ਅਰਮਾਨ ਸ਼ਰਮਾ ਵੀ ਕੈਨੇਡਾ ਗਿਆ ਸੀ। ਦੱਸਿਆ ਜਾ ਰਿਹਾ ਹੈ ਇਕ ਜਨਵਰੀ ਦੀ ਰਾਤ ਨੂੰ ਮੋਹਿਤ ਦੀ ਲਾਸ਼ ਉਸਦੀ ਕਾਰ ਵਿੱਚੋਂ ਇਕ ਸੁੰਨਸਾਨ ਰਾਸਤੇ ਵਿੱਚ ਮਿਲੀ।