ਅੰਮ੍ਰਿਤਸਰ (ਦ ਸਟੈਲਰ ਨਿਊਜ਼), ਰਿਪੋਰਟ ਪੰਕਜ। ਅੰਮ੍ਰਿਤਸਰ ਵਿੱਚ 17 ਸਾਲਾ ਨੌਜ਼ਵਾਨ ਜੋ 4 ਸਾਲਾ ਤੋਂ ਨਸ਼ਾ ਕਰ ਰਿਹਾ ਸੀ, ਉਸਨੇ ਨਸ਼ੇ ਤੋਂ ਛੁਟਕਾਰਾ ਪਾਉਣ ਲਈ ਮਦਦ ਦੀ ਮੰਗ ਕੀਤੀ ਹੈ। ਨੌਜਵਾਨ ਦੀ ਪਹਿਚਾਣ ਅਕਾਸ਼ਦੀਪ ਉਮਰ 17 ਸਾਲਾ ਵਾਸੀ ਪਿੰਡ ਵਡਾਲੀ ਵਜੋਂ ਹੋਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਉਸ ਲੜਕੇ ਨੇ ਵੀਡੀਓ ਸ਼ੋਸ਼ਲ ਮੀਡੀਆ ਤੇ ਪਾ ਕੇ ਕਿਹਾ ਕਿ ਉਹ ਨਸ਼ਾ ਛੱਡਣਾ ਚਾਹੁੰਦਾ ਹੈ।
ਉਹ ਪਿਛਲੇ 4 ਸਾਲਾਂ ਤੋਂ ਨਸ਼ੇ ਦੀ ਲਤ ਤੋਂ ਪੀੜਤ ਹੈ ਤੇ ਉਹ ਲਿਫਾਫੇ ਚੁੱਕਣ ਦਾ ਕੰਮ ਕਰਦਾ ਹੈ। ਉਸਨੇ ਕਿਹਾ ਕਿ ਉਸਦੇ ਦੋਸਤਾਂ ਨੇ ਉਸਨੂੰ ਨਸ਼ੇ ਦਾ ਆਦੀ ਬਣਾ ਦਿੱਤਾ ਸੀ। ਵੀਡੀਓ ਬਣਾ ਰਹੇ ਸਰਬਜੀਤ ਹੈਰੀ ਨੇ ਜਦੋ ਉਸਨੂੰ ਪੁੱਛਿਆ ਕਿ ਉਹ ਨਸ਼ਾ ਕਿੱਥੋ ਲੈਦਾ ਸੀ ਤਾਂ ਉਸਨੇ ਦੱਸਿਆ ਕਿ ਉਹ ਪਿੰਡ ਬਾਸਰਕੇ ਭੈਣੀ ਤੋਂ 300 ਰੁਪਏ ਵਿੱਚ ਨਸ਼ਾ ਖਰੀਦਦਾ ਹੈ ਅਤੇ ਉੱਥੇ ਨਸ਼ਾਂ ਖੁੱਲ੍ਹੇਆਮ ਵਿਕਦਾ ਹੈ ਤੇ ਉਹ ਹੁਣ ਨਸ਼ਾ ਛੱਡਣਾ ਚਾਹੁੰਦਾ ਹੈ।