ਕੁੱਲੂ (ਦ ਸਟੈਲਰ ਨਿਊਜ਼)। ਹਿਮਾਚਲ ਦੀਆਂ ਨਦੀਆਂ ਤੇ ਸੈਲਫੀ ਲੈਣ ਦਾ ਕ੍ਰੇਜ਼ ਹੁਣ ਘਾਤਕ ਸਾਬਤ ਹੋ ਰਿਹਾ ਹੈ। ਜਾਣਕਾਰੀ ਮੁਤਾਬਕ ਹਰ ਰੋਜ਼ ਹਜ਼ਾਰਾਂ ਸੈਲਾਨੀ ਕਸੋਲ ਤੇ ਮਣੀਕਰਨ ਆਉਂਦੇ ਹਨ। ਸਾਫ਼ ਵਗਦੀ ਪਾਰਵਤੀ ਨਦੀ ਦਾ ਆਕਰਸ਼ਣ ਲੋਕਾਂ ਨੂੰ ਇੰਨਾ ਆਕਰਸ਼ਿਤ ਕਰਦਾ ਹੈ ਕਿ ਉਹ ਸੈਲਫੀ ਲੈਣ ਜਾਂ ਰੀਲ ਬਣਾਉਣ ਲਈ ਨਦੀ ਵਿੱਚ ਉਤਰ ਜਾਂਦੇ ਹਨ ਤੇ ਉਹ ਭੁੱਲ ਜਾਂਦੇ ਹਨ ਕਿ ਪਹਾੜੀ ਨਦੀਆਂ ਦਾ ਵਹਾਅ ਬਹੁਤ ਤੇਜ਼ ਹੁੰਦਾ ਹੈ ਅਤੇ ਡੂੰਘਾਈ ਦਾ ਅੰਦਾਜ਼ਾ ਲਗਾਉਣਾ ਮੁਸ਼ਕਲ ਹੈ।
Advertisements
ਇਸ ਤਰ੍ਹਾਂ ਹੀ ਕਸੋਲ ਨਜ਼ਦੀਕ ਇੱਕ ਸੈਲਾਨੀ ਪਾਰਵਤੀ ਨਦੀ ਵਿੱਚ ਇੱਕ ਪੱਥਰ ਤੇ ਸੈਲਫੀ ਲੈਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ, ਤੇ ਉਸਦਾ ਪੈਰ ਫਿਸਲ ਗਿਆ ਤੇ ਉਹ ਸਿੱਧਾ ਪਾਰਵਤੀ ਨਦੀ ਵਿੱਚ ਡਿੱਗ ਗਿਆ। ਖੁਸ਼ਕਿਸਮਤੀ ਨਾਲ ਉਹ ਇੱਕ ਚੱਟਾਨ ਨਾਲ ਚਿੰਬੜ ਗਿਆ ਤੇ ਨੇੜਲੇ ਹੋਟਲ ਦੇ ਸਟਾਫ ਨੇ ਉਸਨੂੰ ਦੇਖਿਆ ਅਤੇ ਉਸਨੂੰ ਸਮੇਂ ਸਿਰ ਬਾਹਰ ਕੱਢ ਲਿਆ।
